Озод этилган қишлоқлар харобалари ва Херсонда тошқин оқибатлари. Уруш суратлари

Украинадаги урушнинг 484-куни ўтди. Асосий маълумотлар:

БМТ ҳар йилги ҳисоботида Россияни Украинада 136 нафар бола ўлдирилишида айбдор деб атади. Ҳужжат нашр этилишидан олдин Reuters ва AFP томонидан кўриб чиқилган. БМТ баҳоларига кўра, россиялик ҳарбийлар 91 нафар боладан жонли қалқон сифатида фойдаланган.
Аннексия қилинган Қрим ва оккупация остидаги Херсон области расмийлари Украина қуролли кучлари яриморолни регион билан боғловчи, Чонгар яқинидан ўтган кўприкка ракета зарбаси йўллаганини хабар қилишди.
Каховка ГЭС тўғони вайрон бўлиши натижасида эндиликда саёзлашиб қолган сув омборидан қазилган тўртта суғориш каналлари тизими (улардан бири Шимолий Қрим канали) сувсиз қолишига олиб келди.
Володимир Зеленский Россия оккупация остидаги Запорижжя АЭСда «радиация чиқариш» орқали теракт содир этишга тайёрланаётганини айтди. Украина соғлиқни сақлаш вазирлиги авария ҳолатида амал қилиш керак бўлган тавсияларни эълон қилди. РФ президенти матбуот котиби Дмитрий Песков Зеленскийнинг баёнотини «навбатдаги ёлғон» деб атади.
Украина президенти Россия китоб ва газеталарини олиб киришни тақиқлаш тўғрисидаги қонунни имзолади. Олий рада уни бир йил муқаддам қабул қилганди.
РФ мудофаа вазири Сергей Шойгу июн ойи охиригача Россия захира армиясини шакллантириш «якунланиши» режалаштирилганини айтди.
«Вагнер» ХҲК СОБР, ОМОН, ГРОМ ва бошқа тузилмаларнинг собиқ ходимларини оккупация қилинган ҳудудларда «ҳарбий полиция» шакллантириш учун ёллашга киришди, бу ҳақда «Верстка» нашри аниқлаган.
Калининградлик фаол Игор Баришников ҳарбий «фейк»лар тўғрисидаги иш бўйича етти ярим йил муддатга озодликдан маҳрум этилди. Жарроҳлик амалиётига зарурат сезаётганига қарамай (унда ўсимта аниқланган ва саратонга гумон қилинган), уни колонияга юборишган.

Кун кадри. Покровск ўққа тутилиши

21 июн куни Россия оккупация остидаги Донецк шаҳридан тахминан 70 километр масофадаги Покровск шаҳрини (шаҳар Украина кучлари назоратида) яна бир бор ўққа тутди. Маҳаллий расмийларга кўра, қурбонлар йўқ. Тинч аҳоли вакилларидан беш киши яраланган (улар орасида 11 ёшли бола ҳам бор). Яраланган бир аёл шифохонага ётқизилган. Портлаш тўлқини ракета парчалари 50 дан ортиқ бинога шикаст етказган.
Oleksandr Ratushniak / Reuters / Scanpix / LETA

Донецк областида қайтариб олинган қишлоқлардаги украин аскарлари

Украина қуролли кучлари қарши ҳужум бошланганидан буён Донецк ва Запорижжя областларида бир қатор аҳоли яшаш манзилларини озод этди. Озод этилган қишлоқлар деярли буткул вайрон бўлган — худди шу дўкон каби
Wojciech Grzedzinski / Anadolu Agency / ABACAPRESS / ddp images / Vida Press

Россиялик ҳарбийлар томонидан Макаривка қишлоғи ҳудудидаги деворлардан бирида қолдирилган Z-рамзлар. Фото ушбу қишлоқ украин ҳарбийлари томонидан озод этилганидан кейин олинган.
Wojciech Grzedzinski / Anadolu Agency / ABACAPRESS / ddp images / Vida Press

Wojciech Grzedzinski / Anadolu Agency / ABACAPRESS / ddp images / Vida Press

Донецк областининг Украина қўшини томонидан озод этилган Сторожеве ва Нескучне қишлоқларини боғловчи йўлда ётган россиялик аскар жасади
Ercin Erturk / Anadolu Agency / ABACAPRESS / ddp images / Vida Press

Украина армиясининг 35-бригадаси ҳарбий хизматчиси Макаривкадаги вақтинча базада турникка тортилмоқда
Wojciech Grzedzinski / Anadolu Agency / ABACAPRESS / ddp images / Vida Press

Украинанинг 35-бригадаси ҳарбийси AK-74 автоматини тозаламоқда
Wojciech Grzedzinski / Anadolu Agency / ABACAPRESS / ddp images / Vida Press

Украиналик ҳарбий хизматчи ўт очиш позициясида дронни тутиб олмоқда
Wojciech Grzedzinski / Anadolu Agency / ABACAPRESS / ddp images / Vida Press

Украина қўшини Донецк областида яқинда озод этилган қишлоқлардан биридаги жанг вақтида
Ercin Erturk / Anadolu Agency / ABACAPRESS / ddp images / Vida Press

Озод этилган қишлоқлардан бири Макаривка атрофидаги дўкон харобалари, Донецк области
Wojciech Grzedzinski / Anadolu Agency / ABACAPRESS / ddp images / Vida Press

Донбасс шимолидаги украин дала ҳоспитали

Украиналик шифокорлар боши чайқалган ҳарбийга ёрдам кўрсатмоқда
Evgeniy Maloletka / AP / Scanpix / LETA

Сув чекинганидан кейинги Херсон

Херсонда Каховка ГЭСдаги фалокатдан кейин кескин кўтарилган сув сатҳи пасаймоқда. Украина Фавқулодда вазиятлар бўйича давлат хизмати маълумотига кўра, 22 июн тонгига келиб Херсон областида сув даражаси 15 сантиметргача пасайди. Украина назоратидаги ҳудудларда учта аҳоли яшаш манзилида жами 214 та уй сув босган ҳолида қолмоқда, областнинг аннексия қилинган қисмида эса 17 та қишлоқ ҳамон сув остида.