Ўзбекистон ташқи ишлар вазири Бахтиёр Саидов давлат раҳбари маслаҳатчиси Сума Чакрабарти билан учрашди.
Фото: Dunyo
«Ўзбекистон президенти маслаҳатчиси Сума Чакрабарти жаноблари билан самимий ва самарали учрашув ўтказдик», –деб ёзди Ўзбекистон ТИВ раҳбари ўзининг Telegram-каналида.
Қайд этилишича, Ўзбекистоннинг кенгаяётган инвестициявий салоҳиятини дунё миқёсида янада тарғиб қилишга қаратилган ижтимоий-иқтисодий ислоҳотларнинг кенг кўламли кун тартиби юзасидан атрофлича фикр алмашилди.
Сума Чакрабарти 2020 йил 1 октябрдан буён Ўзбекистон президентининг иқтисодий тараққиёт, самарали бошқарув ва халқаро ҳамкорлик масалалари бўйича маслаҳатчиси лавозимини эгаллаб келмоқда. У 2012 йил июлидан 2020 йил июлигача Европа тараққиёт ва тикланиш банки президенти лавозимида ишлаган.
