Тошкентдан Хўжакентга поездлар қатнови қисман тикланди

23 ноябрдан Тошкентдан Хўжакентга ва тескари йўналишда электр поездларининг ҳаракати қисман тикланди.

«Ўзбекистон темирйўллари» хабарига кўра, рейслар қуйидаги вақтларда жўнайди: соат 06:40 да Хўжакентдан Тошкентга; соат 16:58 да Тошкентдан Хўжакентга.

Соат 07:10 да Тошкентдан Хўжакентга, шунингдек, Хўжакентдан Тошкентга соат 10:10 да қатнайдиган рейслар ҳозирча йўлга қўйилгани йўқ.

8 ноябрдан ҳаракат таркибини модернизация қилиш мақсадида мазкур йўналишда электропоездлар ҳаракати вақтинча тўхтатилганди.