Тошкентда Spark скутерни уриб юборди

Амир Темур кўчасида Spark’ни бошқариб кетаётган фуқаро 2000 йилда туғилган ҳайдовчи бошқарувидаги скутер билан тўқнашув содир этган. Скутер ҳайдовчиси тан жароҳати олиб, шифохонага ётқизилган.

Фото: Видеодан кадр

Ижтимоий тармоқларда Тошкентда Spark автомашинаси ҳайдовчиси скутер ҳайдовчисини уриб юборгани акс этган видеолавҳалар тарқалди. Тошкент шаҳар ИИББ ЙҲХБ ҳолат юзасидан расмий маълумот берди.

26 июн куни соат 18:30 ларда Юнусобод тумани Амир Темур кўчаси ЎМБ қаршисида ҳайдовчи, 1990 йилда туғилган Б.И. Spark автомашинасини бошқариб кетаётиб, бир йўналишда ҳаракатланиб кетаётган ҳайдовчи, 2000 йилда туғилган Б.А. бошқарувидаги скутер билан тўқнашув содир этган.

Ҳодиса оқибатида скутер ҳайдовчиси тан жароҳати олиб, шифохонага ётқизилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.