Қўшимча функционаллар
-
Тунги кўриниш
Мижозлардан 1,3 млрд сўм ортиқча тўлов ундирган темирйўлчиларга чора кўрилди
“Ўзтемирйўлйўловчи” АЖ Фарғона филиали ва “Шаҳар атрофида йўловчи ташиш” МЧЖ Фарғона филиали сотилган чипталардан воситачилик йиғими қиймати бўйича истеъмолчилардан 1,3 млрд сўм ортиқча тўлов ундирган. Рақобат қўмитаси бу икки компанияни жаримага тортди. Улар ортиқча ундирилган тўловларни истеъмолчиларга қайтаради.

Фото: Транспорт вазирлиги
Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан “Ўзтемирйўлйўловчи” АЖ ва “Шаҳар атрофида йўловчи ташиш” МЧЖ фаолияти “Рақобат тўғрисида”ги ҳамда “Истеъмолчиларнинг ҳуқуқларини ҳимоя қилиш тўғрисида”ги қонун ҳужжатларига асосан ўрганиб чиқилди.
Ўрганишларда бу икки ташкилот истеъмолчилардан ортиқча тўловлар ундиргани маълум бўлди. Бу ҳақда қўмита матбуот хизмати хабар бермоқда.
Маълум бўлишича, “Ўзтемирйўлйўловчи” АЖ Фарғона филиали (бўлинмаси) томонидан темирйўл вокзали (станциялари) бўйлаб 2023 йил давомида 606 380 та сотилган чипталардан воситачилик йиғим қиймати бўйича 660 млн сўмга яқин, “Шаҳар атрофида йўловчи ташиш” МЧЖ Фарғона филиали томонидан темирйўл вокзали (станциялари) бўйлаб 2024 йилнинг 1 январидан 24 июл кунигача 185 806 та сотилган чипталардан воситачилик йиғим қиймати бўйича 560 млн сўмга яқин, умумий ҳисобда жами 792 186 нафар истеъмолчилардан 1.3 млрд сўмга яқин ортиқча ҳақ ундирилган.
“Юқоридагиларга асосан, ўрганиш натижасида қўмита махсус комиссияси томонидан “Ўзтемирйўлйўловчи” АЖга ва “Шаҳар атрофида йўловчи ташиш” МЧЖга шаҳарлараро ва шаҳар атрофида йўловчи ташиш бўйича Фарғона филиали томонидан ортиқча ундирилган тўловларни истеъмолчиларга қайтариши юзасидан кўрсатма берилиб, молиявий жарима қўлланди. Шунингдек, қонунбузилиш ҳолатларини бартараф этиш ва келгусида йўл қўймаслик юзасидан бажарилиши мажбурий бўлган кўрсатмалар берилди”, - дейилади қўмита хабарида.
Расмий хабарда махсус комиссиянинг ушбу қароридан норози бўлган томон қўмитанинг Апелляция кенгашига ёки судга мурожаат қилиш ҳуқуқига эгалиги эслатилган.
Аввалроқ, Рақобат қўмитаси Orient Group Management ва Ўзбек-Уммон инвестиция компаниясига нисбатан иш қўзғатганди. Бу компаниялар Highway логистика марказининг 45 фоиздан улуши эгасига айланишда Рақобат қўмитасининг олдиндан розилигини олмагани учун жаримага тортилган.
Эслатиб ўтамиз, қўмита реклама қонунчилиги юзасидан телеканалларга кўрсатма хати юборган. Бунга охирги вақтларда оммавий ахборот воситалари орқали рекламаларни тарқатишда қонунчилик талабларининг бузилиш ҳолатлари сабаб бўлган.
Тавсия этамиз
„Участкавой“ президент билан учрашувда капитанга айланди
Ўзбекистон | 15:27 / 11.07.2025
Трамп: НАТО Украина учун АҚШдан қурол сотиб олади
Жаҳон | 11:21 / 11.07.2025
Элдор Шомуродов Туркия клубига ўтди
Спорт | 11:12 / 11.07.2025
Таэквондочи Улуғбек Рашидов икки йилга дисквалификация қилинди
Спорт | 11:00 / 11.07.2025
Сўнгги янгиликлар
-
Ҳар якшанба кунлари Тошкентдан Малдивга тўғридан тўғри рейслар
Ўзбекистон | 09:00 / 11.07.2025
-
Путин Эронга уранни бойитишни тўлиқ тўхтатишни таклиф қилди – ОАВ
Жаҳон | 20:08
-
Дуров муваффақиятли компания ташкил қилишнинг асосий шартини айтди
Жаҳон | 19:42
-
Май ҳам ўтди, қонундан эса дарак йўқ: давлат хизматчилари даромади қачондан декларацияланади?
Ўзбекистон | 19:23
Мавзуга оид

12:18 / 04.07.2025
Заргарлик буюмларини ноқонуний тарзда олиб кирмоқчи бўлган шахс ушланди

16:07 / 03.07.2025
Рақобат қўмитаси Kia Sonet рекламасидаги қонунбузилиш сабаб Roodell'ни жаримага тортди

14:32 / 30.06.2025
Темирйўл чиптаси бўйича қарийб 800 минг йўловчидан ундирилган ортиқча ҳақ қайтарилади

18:27 / 21.06.2025