Ўқув йили арафасида Тошкентда уй-жой ижара нархлари бироз кўтарилди
Ўртача таъмирланган хонадонлар учун ижара нархлари июл ойига нисбатан ўртача 1,9 фоизга, тўлиқ таъмирланган хонадонлар учун эса 0,3 фоизга ошгани таъкидланмоқда.
Август ойида Тошкент шаҳрида уй-жой ижараси нархлари ошди, бу ҳақда Макроиқтисодий ва ҳудудий тадқиқотлар институти (МҲТИ) хабар берди.
Қайд этилишича, мутахассислар томонидан қилинган таҳлилда ижара нархлари ошгани аниқланган. Бунга бир нечта омиллар, жумладан, сентябр ойидан олий таълим муассасаларида янги ўқув йилининг бошланиши бўйича кутилмалар таъсир кўрсатгани таъкидланмоқда.
Хабарга кўра, мазкур даврда пойтахтда ўртача таъмирланган хонадонлар учун ижара нархлари июл ойига нисбатан ўртача 1,9 фоизга, тўлиқ таъмирланган хонадонлар учун эса 0,3 фоизга ошган.
Таҳлилда ижара нархлари АҚШ долларида келтирилган. Жумладан, ўртача таъмирланган хонадонлар учун нисбатан арзон ижара нархлари Сергели (1 хонали - 285$, 2 хонали – 348$, 3 хонали – 387$, 4 хонали - 460$), Олмазор (1 хонали – 301$, 2 хонали – 359$, 3 хонали – 414$, 4 хонали – 471$) туманларида таклиф этилган бўлса, энг қиммат ижара нархлари Миробод (1 хонали – 350$, 2 хонали – 445$, 3 хонали – 550$, 4 хонали – 736$) ва Яккасарой (1 хонали – 349$, 2 хонали – 455$, 3 хонали – 585$, 4 хонали – 603$) туманларида кузатилган.
Тўлиқ таъмирланган уй-жойларнинг энг арзон ижара нархлари Сергели (1 хонали – 335$, 2 хонали – 416$, 3 хонали – 501$, 4 хонали – 634$) ва Учтепа (1 хонали – 377$, 2 хонали – 437$, 3 хонали – 563$, 4 хонали – 669$) туманларида, энг қиммат ижара нархлари эса Миробод (1 хонали – 456$, 2 хонали – 688$, 3 хонали – 1006$, 4 хонали – 1274$) ва Шайхонтоҳур (1 хонали – 421$, 2 хонали – 715$, 3 хонали – 1014$, 4 хонали – 1279$) туманларида кузатилди.
Таъкидланишича, ижара нархлари ҳақидаги маълумотлар интернетдаги Olx эълонлар сайтидан олинган.
Мавзуга оид
22:42 / 17.09.2024
Тошкентда Бобур кўчасининг бир қисмида автомобиллар ҳаракати чекланади
21:11 / 17.09.2024
“Кўп нарса молиялаштиришга боғлиқ” — Тошкентни тошқинлардан қутқариш режаси тайёрланмоқда
21:05 / 16.09.2024
Тошкентда одамларнинг мулкини алдов йўли билан эгаллаган шахслар ушланди
20:20 / 16.09.2024