Новосибирскда оғир вазиятга тушиб қолган ёш оила Ўзбекистонга қайтарилди

Ўзбекистон дипломатлари оғир ҳаётий вазиятга тушиб қолган ёш оиланинг ватанга қайтишига ёрдам кўрсатди.

Фото: "Дунё" АА

Сибир пойтахтида оғир ҳаётий вазиятга тушиб қолган ёш юртдошлар оиласи Бош консулхона кўмагида Ўзбекистонга қайтарилди.

Бош консулхона ходимлари томонидан Ўзбекистон Вазирлар Маҳкамаси ҳузуридаги Миграция агентлиги ваколатхонасининг фаол кўмаги билан Новосибирскда ҳужжатлар билан боғлиқ муаммолари туфайли қайта олмаётган ёш оилага ёрдам кўрсатилди. Россия томонидан зарур ҳужжатларни олиш учун барча имкониятлар ишга солинди.

Ҳамюртлар 15 декабр куни Новосибирск аэропортидан Ўзбекистонга кузатиб қўйилди.