SpaceX ракетаси Starlink интернети учун сунъий йўлдошларнинг навбатдаги гуруҳини орбитага олиб чиқди

Falcon 9 ташувчи ракетаси 31 декабр куни Starlink интернет қопламаси тизимининг глобал тармоғи учун яна 21 та сунъий йўлдошни орбитага муваффақиятли олиб чиқди, деб хабар беради SpaceX компанияси.

Ракеталар Флоридадаги Канаверал бурнида жойлашган Кеннеди номидаги Космик марказнинг 39А старт майдончасидан учирилган. Тахминан бир соатдан кейин ташуви ракетанинг иккинчи поғонасидан ажралган сунъий йўлдошлар орбитага чиққан.

Сунъий йўлдошларни учириш доирасида ташувчи ракетанинг 16-маротаба фойдаланилган кўп марталик поғонаси Атлантикадаги Just Read the Instructions денгиз платформасига вертикал қўнишни амалга оширган.

2019 йил майдан бери SpaceX компанияси Starlink лойиҳаси доирасида 7,6 мингдан ортиқ шу каби сунъий йўлдошлари орбитага учирди. Уларнинг бир қисми ишдан чиққан ёки орбитадан оғишган. Ҳозирда 6,9 мингдан зиёд аппарат орбитада соз ҳолатда фаолият юритмоқда.

Аввалроқ SpaceX компанияси 2024 йилда 134 та ракета учиргани— бу янги жаҳон рекорди экани тўғрисида хабар берилганди. Йил охиригача яна учта миссия режалаштирилгани, шу боис уларнинг сони 137 тага етиши мумкинлиги айтилган эди. Бироқ компания ўтган йилги ютуғидан аллақачон ўзиб кетган – 98 та парвоз.