АҚШ доллари илк марта 13 000 сўмгача қимматлашди

6 январ куни Ўзбекистондаги айрим тижорат банкларида долларнинг сотиш курси илк марта 13 000 сўмга етди.

Фото: Kun.uz

Ҳафтанинг илк кунида Ҳамкорбанк, Инфинбанк, ОФБ ва Тенгебанк 1 АҚШ долларини 13 000 сўмдан, KDB банк эса 13 005 сўмдан сотмоқда.

Алоқабанк, Анорбанк ва Халқ банки Америка валютасини энг арзон – 12 945 сўмдан таклиф қиляпти.

Харид курси эса аксарият банкларда 12 880 – 12 910 сўм оралиғида. Фақат Асакабанк кассаларида Америка валютаси учун 12 940 сўмдан тўланмоқда.

6 январ куни учун Марказий банк белгилаган расмий курс – 12 942,01 сўм.

Эслатиб ўтамиз, ўзбек сўми долларга нисбатан 2022 йилда 3,9 фоизга, 2023 йилда 9,7 фоизга, 2024 йилда 4,5 фоизга қадрсизланган эди.

2025 йилги давлат бюджети параметрларида доллар курси йиллик ўртача 13 250 сўмдан ҳисобланган. S&P халқаро рейтинг агентлиги эса, 2025 йилнинг охирига бориб курс 13 650 сўм бўлишини прогноз қилган.

#доллар #девалвация