Қўшимча функционаллар
-
Тунги кўриниш
Россия Пхенян ва Москва ўртасида тўғридан тўғри қатновни тиклади
"Россия темирйўллари" Россия Федерацияси ва КХДР пойтахтлари ўртасида тўғридан тўғри темирйўл қатнови қайта тиклангани ҳақида эълон қилди. У COVID-19 пандемияси пайтида тўхтатилган.
"Россия темирйўллари" (РЖД) 2025 йил 17 июндан Пхенян ва Москва ўртасида, 19 июндан эса Пхенян ва Хабаровск ўртасида тўғридан тўғри қатновни тиклайди. Бу ҳақда 9 июн, душанба куни «Телеграмма РЖД» Telegram-канали хабар берди.
Москва билан қатнов ойига икки марта, Хабаровск билан эса тўғридан тўғри тўхтовсиз алоқа ойига бир марта амалга оширилиши режалаштирилган, дейилади постда.
Каналнинг таъкидлашича, Пхенян – Москва дунёдаги энг узун тўхтовсиз темирйўл йўналиши ҳисобланади: «Давлатларнинг пойтахтлари орасидаги масофа 10 минг кмдан ортиқ, сафар вақти эса 8 кунни ташкил этади».
2020 йил феврал ойида COVID-19 пандемияси сабабли Россия ва Шимолий Корея ўртасидаги йўловчи темирйўл қатнови тўхтатилган эди. The Insider интернет-нашрининг ёзишича, икки давлат ўртасидаги «Дўстлик кўприги»дан сўнгги пайтларда Россия армияси эҳтиёжлари учун КХДРдан қурол-яроғ ва бошқа товарларни етказиб беришда фаол фойдаланилмоқда.
Мавзуга оид
11:20 / 01.07.2026
Россия 7 та темирйўл чегара пункти фаолиятини тўхтатди
09:14 / 20.06.2026
ЕТТБ кўмагида темирйўл ҳаракатини бошқариш тизими янгиланади
08:30 / 18.06.2026
Қайси давлатларда юқори тезликдаги темирйўллар энг ривожланган?
08:30 / 16.06.2026