ЮНИCЕФ: Ғазода можаро бошланганидан бери 50 минг бола ҳалок бўлган ёки яраланган

У Ғазода одамлар, айниқса болаларнинг тўйиб овқатланмаслик ҳолатлари кучайиб бораётганини ва соғлиқни сақлаш тизими таназзул ёқасида эканлигини таъкидлаш баробарида, март ойида Исроил тўлиқ блокада ўрнатганидан бери, БМТ бошчилигидаги ёрдамчи кучлар "бизга муҳтож бўлган болаларга этиб боролмаганини" қўшимча қилди.

ЮНИCЕФ вакили можаронинг барча томонларини зўравонликни тўхтатишга ва БМТ ходимларига "болалар ниҳоят озгина умид топиши учун" Ғазога ёрдам етказишни давом эттиришга рухсат беришга чақирди. Китти ван дер Хейден, шунингдек, ҳозирги глобал вазиятни "болалик учун энг ёмон вақт" деб таърифлади. Унинг айтишича, дунё бўйлаб ҳар олти боладан бири "можарода яшамоқда ёки ундан қочмоқда", бу ЮНИCЕФ тарихидаги мисли кўрилмаган рақамлар.

Ғазодаги можаро қарийб 20 ойдан бери давом этар экан, БМТ Исроилни қуролли тўқнашувларда болаларга нисбатан ҳуқуқбузарликларни содир этгани учун кетма-кет иккинчи йил қора рўйхатга киритди.

Сўнгги маълумотларга кўра, Исроилдаги можаролар оқибатида 1200 га яқин киши ҳалок бўлган, 251 киши гаровга олинган, Ғазо ва босиб олинган Ғарбий соҳилда эса қурбонлар сони 55 мингдан ошган.

https://dunyo.info/uzk/Fakt/yunisef-50-tysyach-detey-v-sektore-gaza-pogibli-ili-poluchili-raneniya-s-nachala-konflikta-v-2023-godu