Ғазодаги очарчиликка Исроилнинг жазосиз қолаётгани сабаб бўлмоқда – Туркия ТИВ

Туркия ташқи ишлар вазирлиги Ғазодаги очарчиликка Исроилнинг шу пайтгача содир этиб келаётган ҳарбий жиноятлари ва халқаро ҳуқуқни бузаётгани жазоланмай қолаётгани сабаб бўлганини билдирди.

Вазирлик баёнотида таъкидланишича, БМТ қўлловидаги IPC кузатув гуруҳи томонидан Ғазодаги очарчилик тўғрисидаги ҳисоботи «Нетаняҳу ҳукуматининг геноцид сиёсати ва Ғазодаги фаластинликларга нисбатан муносабати келтириб чиқарган гуманитар фалокат кўлами нақадар кенглигини билдиради».

«Шу пайтгача содир этиб келаётган ҳарбий жиноятлари ва халқаро ҳуқуқни бузаётгани жазоланмай қолаётгани Исроилни руҳлантирмоқда ва телбага айлантирмоқда», - дейилади баёнотда.

Аввалроқ БМТ қўлловидаги IPC кузатув гуруҳи Ғазода 514 минг фаластинлик очарчиликдан азият чекаётгани, бу кўрсаткич сентябр охирига бориб 641 минг кишига етиши кутилаётганини маълум қилганди.