Кўп қаватли уйларга хизмат кўрсатувчи компания 1,8 млрд сўмлик газдан ноқонуний фойдаланди

Ўзэнергоинспекция Тошкент шаҳар ҳудудий бошқармаси томонидан назорат тадбири ўтказилди.

Фото: Ўзэнергоинспекция

Унда, Шайхонтоҳур туманида «C.C.» МЧЖ бошқарув сервис компаниясига қарашли 2 та кўп қаватли уйнинг газ қурилмаси қоидабузарлик сабабли пайвандлаш йўли билан газ таъминоти тўхтатилганига қарамасдан, ўзбошимчалик билан тармоққа қайта уланиб, табиий газдан ноқонуний фойдаланиб келинаётгани аниқланди.

Ушбу қоидабузарлик натижасида, дастлабки ҳисоб-китобларга кўра, электр таъминоти корхонасига 1 миллиард 852 миллион сўмлик зарар етказилгани маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.