Bloomberg: НАТОнинг ҳаво ҳодисалари бўйича позицияси Москвага етказилди

Шимолий Атлантика алянси Россия ҳарбий самолётлари иттифоқ мамлакатлари ҳаво ҳудудига бостириб кирса, уларни уриб туширишга тайёр, деб хабар бермоқда Bloomberg манбалари.

Фото: AFP

Москва, агар Россия ҳарбий самолётлари иттифоқ мамлакатлари ҳаво ҳудудини яна бузса, НАТО кучлари жавоб беришга тайёрлиги ҳақида огоҳлантирилган. Бундай чора-тадбирлар самолётни уриб туширишни ўз ичига олади, деб хабар берди Bloomberg 25 сентябр, пайшанба куни номи ошкор этилмаган Европа сиёсий манбаларига таяниб.

Bloomberg манбаларига кўра, Буюк Британия, Франция ва Германия дипломатлари Москвада ҳамкасблари билан норасмий учрашув ўтказган. Йиғилишда европаликлар сентябр ойи ўрталарида Эстония ҳаво ҳудудига учта МиГ-31 қирувчи самолётининг кириб келишидан хавотир билдирди. Йиғилиш якунлари бўйича НАТО вакиллари ушбу ҳаво қоидабузарлиги қасддан содир этилган ва Россия қўмондонлиги буйруғи билан амалга оширилган деган хулосага келди, дея хабар беради агентлик. Қайд этилишича, бу Россиянинг учувчисиз учоқлари Полша осмонига бостириб кирганидан кўп ўтмай содир бўлган ва биргаликда бу ҳодисалар Россиянинг НАТОни «текширишга» уринишидек кўринади.

Берлин Москвадаги учрашувни тасдиқлади. Германия ҳукумати вакилининг сўзларига кўра, дипломатлар Москвани чегарадаги бундай бузилишларни тўхтатиш зарурлиги ҳақида хабардор қилган. Буюк Британия ва Франция вакиллари Bloomberg агентлигига изоҳ бермади.

Тайёрлаган: Отабек Матназаров

#Россия #НАТО #Шимолий Атлантика