Турли мамлакатларда умр кўриш давомийлиги прогнози эълон қилинди

Visualcapitalist портали экспертлари БМТ маълумотлари асосида мамлакатларни энг юқори ва энг паст умр кўриш давомийлиги бўйича тартибловчи янги инфографикани яратди.

Бирлашган Миллатлар Ташкилоти маълумотларига кўра, Монакода ўртача умр кўриш энг юқори - 86,5 йил, ундан кейинги ўринларда Сан-Марино (85,8) ва Ҳонгконг (85,6) турибди.

Нигерияда ўртача умр кўриш энг паст даражада қайд этилди – 54,6 ёш, Чад (55,2) ва Марказий Африка Республикасида (57,7) шунга ўхшаш кўрсаткичлар мавжуд.

Россия 73,3 йил умр кўриш билан 102-ўринни эгаллаб, АҚШ (79,5) ва Хитой (78) каби давлатлардан ортда қолди.