Ўзбекистон яшил ташаббусларга йилига 10 млрд сўмгача маблағ сарфлайди

2026 йилдан бошлаб атроф-муҳитни асраш, экологик маданиятни ошириш ва «яшил» ғояларни амалда қўллаб-қувватлаш учун эндиликда ҳар йили 10 млрд сўмгача маблағ ажратилади.

Ҳукумат қарори билан Ёшлар ишлари агентлиги ҳузурида «Яшил ташаббусларни қўллаб-қувватлаш жамғармаси» ташкил этилди.

Жамғарма томонидан қуйидаги ташаббуслар молиялаштиради:

• табиатга меҳр ва экологик маданиятни оширувчи лойиҳалар;
• чиқиндиларни қайта ишлаш, яшил энергия ва экологик тоза технологияларни ривожлантириш;
• дарахт экиш ва парваришлаш ташаббуслари;
• иқлим ўзгариши ва экологик барқарорлик бўйича ёшлар ғоялари;
• эко мавзудаги видео, анимация ва медиа лойиҳалар;
• энергия тежамкорлиги бўйича танловлар ва акциялар;
• ўрмонларни тиклаш, экологик туризмни ривожлантириш ташаббуслари;
• эко-челленжлар ва энергия сарфини камайтирувчи мобил иловалар яратиш.