1 январдан тажриба-синов: туман ва шаҳар ҳокимликлари янги тартибда ишлайди

Ҳокимликлар замонавий ва самарали тузилмага айлантирилади.

Фото: Tengrinews.kz

2025 йил 21 октябрдаги президент фармонига мувофиқ, туман ва шаҳар ҳокимликлари фаолиятини тубдан такомиллаштириш бўйича қўшимча чора-тадбирлар белгиланди.

Фармонга кўра, ҳокимликларнинг асосий вазифалари қуйидагилардан иборат:

“Аҳоли ва тадбиркорлар манфаатларига хизмат қилиш” тамойилини ҳаётга тўлиқ жорий этиш мақсадида ҳокимликларни аҳоли ва тадбиркорларга комплекс хизмат кўрсатувчи замонавий тузилмага айлантириш;
маҳаллий аҳамиятга эга масалаларни мустақил ҳал этишда ҳокимликларнинг маъмурий ваколатларини кенгайтириш;
ҳудудий ривожланишга оид устувор вазифалар ва масъулият доирасини аниқ белгилаш.

2026 йил 1 январдан тажриба-синов тариқасида “Янги Ўзбекистон қиёфасидаги туман (шаҳар)” мақомидаги 33 та туман ва Сурхондарё вилоятининг қолган барча туман ва шаҳар ҳокимликлари тузилмасига ўтказилади.

Тажриба-синов даврида:

ҳокимлар республика ижро этувчи органларнинг туман ва шаҳар бўлинмалари фаолияти устидан бевосита раҳбарлик қилади;
ҳоким ўринбосарларининг сони Сурхондарё вилоятида 6 нафар, бошқа туман ва шаҳарларда 4 нафар қилиб белгиланади.

Тайёрлаган: Отабек Матназаров

#ҳокимлик #президент фармони