Вояга етмаган шахсни озодликдан маҳрум қилишнинг энг кам муддати 1 ойгача қисқартирилди

Вояга етмаган шахслар учун жиноий жавобгарлик либераллаштирилмоқда

Фото: Getty Images

Қонун билан Жиноят кодексига қўшимча ва ўзгартиришлар киритилди.

Унга кўра, 18 ёшга тўлгунига қадар содир этган жинояти учун тайинланган жазони ўтаб бўлган шахс судланмаган ҳисобланиши белгиланди.

Бундан ўта оғир жиноятлар ёки содир этган жинояти учун тайинланган жазони ўтаб бўлганидан кейин 18 ёшга тўлгунига қадар қасддан янги жиноят содир этиш ҳоллари мустасно этиб белгиланди.

Шунингдек, вояга етмаганларга нисбатан озодликни чеклашнинг ҳамда озодликдан маҳрум қилишнинг энг кам муддати олти ойдан бир ойгача қисқартирилди.