Ўзбекистонлик электриклар Британияга ишга таклиф қилиняпти. Ойлик маош 4400 доллар

Миграция агентлиги ва Skills Provision Ltd компанияси юқори кучланишли электр узатиш тармоқлари монтажчилари учун 500 та иш ўрнига танлов эълон қилди.

Монтажчилардан меҳнат муҳофазаси ва техника хавфсизлигига риоя қилиш, электротехника-линейщик ишларини бажариш, такелаж, блокировка ва подвескаларни ўрнатиш, ерлаш ва перемычкаларни бажариш, жойида металл элементларни алмаштириш, техник чизмаларни ўқиш ҳамда аниқлик, жавобгарлик ва жамоада ишлаш талаб этилади.

Иш вақти мавсумга қараб турлича бўлади. Хусусан, қиш ойларида ҳафтасига 39 соат, ёз ойларида эса ҳафтасига 60 соатни ташкил қилади. Иш ҳақи солиқдан кейин тахминан 3400 фунт стерлинг (4400 АҚШ доллари)га тенг бўлиб, қўшимча иш учун тўловлар ҳам бор.

Номзодлар 23−45 ёш оралиғида бўлиши, Электротехника ёки яқин йўналиш бўйича олий маълумотга, камида 3 йиллик тегишли иш тажрибаси ҳамда B2 даражасидан кам бўлмаган инглиз тили билими (халқаро сертификат билан)га эга бўлиши талаб этилади. Малака талаблари эса 110 кВ ва ундан юқори бўлган юқори кучланишли ҳаво линияларида таянчларни қуриш, хизмат кўрсатиш, йиғиш, баландликда ишлаш ҳамда проводларни тортиш (tension/stringing) бўйича амалий тажрибага эга бўлишдан иборат.

Иш берувчи томонидан меҳнат визаси харажатлари, тиббий суғурта ва иш кунларида яшаш учун кунлик 60 фунт стерлинг (working away allowance — уйдан узоқда ишлаганлик учун нафақа) таъминланади.

Овқатланиш харажатлари ходим ҳисобидан тўланади. Иш жойига етиб бориш харажатларининг 50 фоиз қисми иш берувчи томонидан қоплаб берилади,

Танловда қатнашиш учун ушбу ҳавола орқали рўйхатдан ўтиш мумкин.

Мурожаат учун телефон: 1282, 71 202−33−55 (ички рақам 133 иш кунларида).