Ўзбекистон экспортида Россия етакчи: 11 ойда 4 млрд доллар

2025 йилнинг январ–ноябр ойларида Ўзбекистоннинг ташқи савдо айланмасида экспорт ҳажми 30,9 млрд АҚШ долларини ташкил этган. Бу кўрсаткич ўтган йилнинг мос даврига нисбатан 26,2 фоизга юқори.

Миллий статистика қўмитаси маълумотларига кўра, экспорт йўналишлари кесимида энг катта улуш Россия ҳиссасига тўғри келиб, 11 ойда ушбу мамлакатга 4 млрд долларлик маҳсулот экспорт қилинган. Шунингдек, Хитой, Афғонистон ва Қозоғистон ҳам Ўзбекистон экспортида йирик ҳамкорлар қаторида қолмоқда.

Ҳисобот даврида Ўзбекистон экспортида улуши юқори бўлган топ-10 давлатлар (АҚШ долларида):

Россия — 4 млрд;
Хитой — 1,9 млрд;
Афғонистон — 1,3 млрд;
Қозоғистон — 1,3 млрд;
Туркия — 1 млрд;
Франция — 775,8 млн;
БАА — 642,7 млн;
Қирғизистон — 560,4 млн;
Тожикистон — 531,8 млн;
Покистон — 321,8 млн.

Қайд этилишича, келтирилган рақамлар экспорт географиясининг кенгайиб бораётганини ҳам кўрсатади: анъанавий ҳамкорлар билан бирга Европа ва Яқин Шарқ давлатлари ҳиссаси ҳам сезиларли сақланиб қолмоқда.

Тайёрлаган: Отабек Матназаров

#Россия #экспорт