Музокаралар давомида Ўзбекистонда эскирган шиналарни утилизация қилиш ва техник углерод ишлаб чиқариш бўйича истиқболли инвестиция лойиҳалари муҳокама қилинди.
Хусусан, томонлар замонавий пиролиз технологияларини жорий этиш, экологик хавфсиз ишлаб чиқаришни ташкил этиш ҳамда саноат чиқиндиларини камайтириш учун илғор муҳандислик ечимларини қўллаш бўйича фикр алмашдилар.
Учрашув якунлари бўйича томонлар ушбу лойиҳа доирасида амалий ҳамкорликни йўлга қўйиш ва унинг амалга оширилишини изчил рағбатлантиришга келишиб олдилар.
«Fushun Zhenxing Chemical Engineering» компанияси кимёвий инжиниринг, нефт-кимё ва экологик ечимлар соҳасида фаолият юритади. Компания техник углерод йўналишида 80 дан ортиқ лойиҳаларни амалга оширган.
