Кўп квартирали уйларда яшил ҳудудларни ўзбошимчалик билан қисқартириш тақиқланди

Қоидаларга кўра, кўп квартирали уйлар ва унга туташ ер участкасида қуйидагилар тақиқланди:

- тегишли рухсатномасиз дарахтлар ва буталарни бошқа жойга кўчириб экиш ёки кесиш;

- кўп квартирали уйларга туташ ер участкаларини металл парчалари, қурилиш ва маиший ва бошқа чиқиндилар билан тўлдириш;

- дарахтларга арқон ва симларни боғлаш, беланчаклар осиш, реклама тахталарини ёпиштириш;

- гулзорлар, майсазорлар ва йўлакларни чиқиндилар билан ифлослантириш;

- кўкаламзорлаштирилган ҳудудлар, болалар ва спорт майдончалари, катта ёшдаги аҳолининг дам олиши, жисмоний тарбия машғулотлари билан шуғулланиш учун мўлжалланган жойлардан автотураргоҳ сифатида фойдаланиш;

- кўкаламзорлаштирилган ҳудудларни ўзбошимчалик билан қисқартириш (бетон ёки бошқалар билан қоплаш);

- яшил ўсимликлар билан банд бўлган майдонларга ҳар қандай материалларни тўплаш;

- яшил ўсимликлар яқинидаги йўлакларга яшил ўсимликлар учун зарарли бўлган кимёвий моддаларни сепиш ёки ушбу моддалар билан суғориш.