АҚШ пойтахти Вашингтон шаҳри ўз тарихида илк бор нуфузли NTT IndyCar Series пойга серияси босқичига мезбонлик қилди: мамлакат мустақиллигининг 250 йиллигига бағишланган ноёб Freedom 250 Grand Prix кўча пойгаси ўтказилди.
Узунлиги 2,7 км бўлган вақтинчалик трасса Миллий аллея атрофида ётқизилиб, болидлар Капитолий ва Вашингтон монументи фонида Пенсильвания авенюси бўйлаб ҳаракатланди.
Босқичнинг бош қаҳрамони Andretti Global жамоаси шарафини ҳимоя қилаётган америкалик пойгачи Кайл Кирквуд бўлди. Биринчи қатордан старт олган Кирквуд 147 айланадан 128 тасида етакчиликни сақлаб қолиб, мутлақ устунлигини намойиш этди.
Freedom 250 Grand Prix якунлари бўйича Кайл Кирквуд (Andretti Global / Honda) 1-ўринни, Кристиан Лундгор (Arrow McLaren / Chevrolet) 2-ўринни, Уилл Пауэр (Andretti Global / Honda) 3-ўринни эгаллади.
Ушбу ғалаба эвазига Кайл Кирквуд мавсум етакчиси Алекс Палоудан ортда қолиш фарқини қисқартириб, шахсий ҳисобнинг топ-3 талигидаги ўрнини мустаҳкамлади.
