Жорий йил июль ойида эришилган ва АҚШ компанияларига Саудияга фуқаролик ядро технологияларини экспорт қилиш имконини берадиган келишув душанба куни Конгрессга юборилган. Бу ҳақда ўз шахси сир қолишини истаган АҚШ расмийси Reutersʼга маълум қилди.
30 йиллик ядровий келишув AP1000 реакторларини қуришни назарда тутади. Ўнлаб миллиард долларлик ушбу лойиҳа Канада ширкатлари ҳамкорликда эгалик қиладиган Westinghouse компаниясига фойда келтиради.
Нашрнинг Конгрессдаги иккита манбаси ҳам келишув Конгресс етакчиларига юборилгани ҳамда чоршанба куни тегишли қўмиталарга топширилиши кутилаётганини айтган. Агар Конгресс 90 сессия куни ичида келишувга эътироз билдирмаса, у кучга киради.
Агар Конгресс келишувни рад этса, Трамп бу қарорга вето қўйиши мумкин. Буни бекор қилиш учун эса Конгрессда учдан икки қисм кўпчилик овоз талаб қилинади.
Трампнинг шарти
«Президентнинг позицияси ўзгармади, келишув фақат Саудия Арабистони “Иброҳим келишувлари“га қўшилган тақдирдагина амалга оширилади», деган АҚШ расмийси.
Бу битим Исроил ва араб-мусулмон давлатлар ўртасида муносабатларни нормаллаштириш бўйича АҚШ воситачилигида тузилган келишув ҳисобланади. 2020 ва 2021 йилларда эришилган ушбу келишувлар Исроил ва БАА, Баҳрайн, Марокаш ҳамда Судан ўртасида имзоланган.
Июль ойида Трамп Саудия ядровий келишувига розилик берганидан бир неча кун ўтиб Исроил муносабатларни нормаллаштиришни — унинг кучга кириши учун асосий шарт қилиб белгилаганди. Саудия Арабистони Исроилни тан олишдан олдин Фаластин давлатини барпо этишни талаб қилмоқда.
Дипломатлар Ар-Риёд 2023 йилда Исроил билан муносабатларни нормаллаштиришга жуда яқин келган деб ҳисоблайди. Аммо, 2023 йил октябрида Исроилнинг Ғазода бошлаган геноцид уруши вазиятни ўзгартириб юборди.
Саудия Арабистонининг Вашингтондаги элчихонаси ушбу хабарларга изоҳ бермаган.
«Идеалдан йироқ»
Баъзи демократ қонунчилар ва ядро қуролини тарқатмаслик тарафдорлари
