World Visualized инфографикаси БМТ Озиқ-овқат ва қишлоқ хўжалиги ташкилоти — ФАОнинг AQUASTAT базаси ҳамда Жаҳон банки маълумотлари асосида тайёрланган.
Унда келтирилган рақамларга кўра, чучук сув олиш ҳажми энг юқори бўлган беш давлат қуйидагилар:
Ўрин | Давлат | Йиллик сув олиш ҳажми |
|---|---|---|
1 | Ҳиндистон | 761 млрд куб метр |
2 | Хитой | 581 млрд куб метр |
3 | АҚШ | 444 млрд куб метр |
4 | Индонезия | 223 млрд куб метр |
5 | Покистон | 183 млрд куб метр |
Бу ерда сув олиш деганда дарёлар, кўллар ва ерости сув қатламларидан кейинчалик фойдаланиш учун сув чиқариб олиш тушунилади. Кўрсаткич сувнинг бутунлай сарфланиб, йўқолиб кетишини англатмайди: олинган сувнинг бир қисми табиий муҳитга қайтади.
