Ukraina harbiylarini Azov dengiziga «tashladi»

Ukraina Quruqlikdagi qo‘shinlar qo‘mondoni Sergey Popko mamlakat qurolli kuchlari Azov dengiziga «tashlangani» haqida ma'lumot berdi. U bu haqda o‘zining feysbukdagi sahifasida yozgan.

Ta'kidlanishicha, qo‘shinlarni yuborish Ukraina bosh shtabining qarori bilan amalga oshirilgan. Ushbu chora Azov dengizidagi vaziyatni to‘liq nazorat qilish, qirg‘oqlar mudofaasini kafolatlash, shuningdek, kemalar guruhi faoliyatini qo‘llab-quvvatlashga yordam beradi.

Infratuzilma vazirining o‘rinbosari Yuriy Lavrenyukning so‘zlariga ko‘ra, «Gyurza-M» turidagi ikkita zirhli kema ham mintaqaga ko‘chirildi.

Eslatib o‘tamiz, avvalroq Poroshenko ukrainalik tankchilarning mashqlaridan «kuchli» videoni ko‘rsatgandi.