Ukrainada uruşning 348-kuni ötdi. Asosiy ma’lumotlar:

  • Ukraina Oliy Radasi «Vagner» xususiy harbiy kompaniyasini xalqaro jinoiy taşkilot deb topdi.
  • Ukraina qurolli kuçlari ofitseri Denis Yaroslavskiy jurnalistlarga RF armiyasi Baxmutning uçdan bir qismini — «sanoat zonasi hamda daryo böyidagi xususiy sektor hududlari»ni egallaganini aytdi. Ukraina tomonidan boşqa heç kim bu ma’lumotni tasdiqlamagan. RF mudofaa vazirligi sönggi brifingida Baxmutdagi vaziyat böyiça izoh bermagan.
  • Yevgeniy Prigojin «Vagner» bölinmalari Baxmutni Su-24 bombardimonçi samolyotidan öqqa tutganini aytdi va samolyot bortidan turib Ukraina prezidenti Volodimir Zelenskiyni «osmonda duel qiliş»ga çaqirdi.
  • «Vagner» vakillari yana Rossiya koloniyalarini aylanib, mahbuslarni uruşga yollaşni boşladi, ammo bu safar Yevgeniy Prigojinning iştirokisiz.

Baxmut atrofidagi «Azov» polki artilleriyaçilari

«Azov» polki jangçisi Baxmut yaqinidagi pozitsiyada 152-millimetr kalibrli 2A65 «Msta-B» gaubitsani öq otişga tayyorlamoqda. «Azov» 2014 yilda Mariupoldagi köngillilar tomonidan taşkil etilgandi. Rossiya bosqinining ilk oylarida uşbu batalon jangçilari Ukraina qurolli kuçlari bilan birgalikda Mariupolni mudofaa qilgandi. Foto: Marko Djurica / Reuters / Scanpix / LETA
Baxmut atrofidagi «Azov» jangçilari. Rossiya qöşini Donetsk oblastidagi uşbu şaharni yarim yildan buyon şturm qilmoqda. Ammo, Ukraina armiyasi mudofaani tutib turibdi, Rossiya esa katta yöqotişlarga uçramoqda.
Marko Djurica / Reuters / Scanpix / LETA
Marko Djurica / Reuters / Scanpix / LETA
Marko Djurica / Reuters / Scanpix / LETA