2017 йилнинг 13 январь куни Ўзбекистон Республикаси Ташқи ишлар вазири Абдулазиз Камилов Бирлашган Араб Амирликларининг Тошкент шаҳридаги Элчихонасига ташриф буюрди. Бу ҳақда ТИВ ахборот хизмати хабар берди.
ТИВ раҳбари Афғонистоннинг Қандаҳор шаҳрида содир этилган террорчилик ҳужуми оқибатида БАА гуманитар миссияси вакилларининг фожиавий ҳалок бўлишлари муносабати билан очилган Ҳамдардлик китобига қайд киритди.
БААнинг Муваққат ишлар вакили Рошид ал-Мазруий ҳамдардлик ва далда учун Ўзбекистон томонига самимий миннатдорлик билдирди.
