Саудия Арабистонида 35 йиллик тақиқловдан кейин биринчи очилган кинотеатрда илк бор оммавий тарзда кинофильм намойиш қилинди. Шу тариқа қиролликда кинотеатрлар ишлашига киритилган кўп йиллик тақиқловнинг амал қилиши тўхтади.
Илк намойиш қилинган фильм АҚШ киноижодкорларининг “Қора пантера” саргузашт фильми бўлди ва у Ар-Риёддаги кинотеатрга айлантирилган концерт залида бўлиб ўтди. Фильмни ҳам эркаклар, ҳам аёллар томоша қилгани келган.
Саудия Арабистонида кинотеатрлар 1980-йилларда тақиқланган. Қиролликда яшовчилар кинофильмлар кўриш учун қўшни Баҳрайн ва БААга боришган. Саудия Арабистонидаги ягона ишловчи кинотеатр илмий марказдаги Imax бўлиб, унда таълимий фильмлар намойиш қилинган.
