Каталонияда Мадриднинг бевосита бошқаруви даври тугади 

Каталония янги ҳукумати ўз ваколатларини бажаришга киришди, деб хабар бермоқда Reuters.

Шу тариқа, агентликнинг таъкидлашича, Мадрид томонидан минтақанинг тўғридан тўғри бошқарилишига якун ясалди.

Каталония ҳукумати янги раҳбари Ким Торранинг маълум қилишича, мухториянинг мустақил бўлишига қараб ҳаракатланишни давом эттиради. Шунингдек, у Испания янги бош вазири Педро Санчес билан музокаралар ўтказиш ниятида эканини хабар қилган.

Аввалроқ, Ким Торра Испания қироли Филипп VI содиқлик қасамёдини келтиришдан бош тортгани хабар берилганди.

Эслатиб ўтамиз, бундан аввал Испанияда янги бош вазир қасамёд келтиргани маълум қилинди.