Олимлар тез тайёрланувчи лағмондан қандай зарар етказилишини баҳолашди

Академик М.Ф.Решетнев номидаги Сибирь давлат Илм-фан ва технологиялар университети (СибГУ) тадқиқотчилари тез тайёрланувчи лағмон таркибини ўрганиб чиқишди ва унинг зарарли хусусиятларини баҳолашди. Тадқиқот университет сайтида эълон қилинган.

Тадқиқотда айтилишича, лағмон таркибида буғдой уни, палма ёғи, карбонат ва натрий полифосфати мавжуд. Олимларнинг сўзларига кўра, бу таркибий қисмлардан баъзилари организмга фойда келтирмайди, аммо ўртача миқдорда истеъмол қилинган тақдирда зарар ҳам етказмайди.

«Лағмон таркибида турли моддалар ҳозирги миқдорда бўлса, улар организмга зарар бермайди. Бироқ, ҳар куни фақатгина уни [лағмон] истеъмол қилиш тавсия этилмайди, чунки унда оқсиллар ва ёғ миқдори етарли эмас», - дея хулоса қилган СибГУ доценти Елена Семиченко.