АҚШ Россия туфайли Арктикадаги машқлардан воз кечди

АҚШ Соҳилни қўриқлаш хизмати Россиядан ёрдам сўрашдан қўрқиб, Арктикада машғулотлар ўтказишдан бош тортди. Бу ҳақда Business Insider хабар бермоқда.

Нашр маълумотларига кўра, Америка Қўшма Штатлари мамлакатнинг ягона оғир музёрар кемаси - Polar Star бузилиб қолишидан хавотирланган.

Қайд этилишича, бундай ҳолатда Қўшма Штатлар музёрарни сақлаб қолиш учун Россиядан ёрдам сўраши керак бўларди.

Шу билан бирга, Америка томони Арктика учун курашда, хусусан, музёрарларнинг етишмаслиги туфайли турли муаммоларга дуч келмоқда. 

Эслатиб ўтамиз, аввалроқ АҚШ Арктика учун пойгада мағлуб бўлиши мумкин экани хабар берилганди.

Қайд этилишича, Америка музёрар кемалар флоти эскириб қолган кемалар ва уларнинг кам сони туфайли Россия билан рақобатлаша олмайди.