Бундан ташқари, жабрланганлар 1,8 мингга яқинни ташкил этмоқда.
7,2 магнитудали вайронкор зилзила маркази Ҳаити пойтахти Порт-о-Пренс шаҳридан 125 км узоқликда, ўчоғи эса 10 км чуқурликда бўлган. Мамлакат бош вазири Ариэль Анри фожиа мамлакатнинг жанубий ҳудудларига катта талафот етказгани ва шу муносабат билан мамлакатда бир ойга фавқулодда ҳолат эълон қилинишини маълум қилган. У мамлакат зилзила етказган зиён қиймати аниқланмагунча халқаро ёрдам сўралмаслигини таъкидлаб ўтган.
Кариб денгизида жойлашган ушбу давлатда 2010 йилда ҳам бир қатор кучли зилзилалар юз берган. Ўшандаги табиий офат қурбонлари сони 222 мингдан кўпроқни ташкил қилган.
