Овчи мотоциклида экология инспекторларидан қочиб, овлаган 1 бош жайронни ташлаб кетган. Ҳуқуқбузар кўп ўтмай ушланган.
Фото: Давлат Экология қўмитаси
Давлат Экология қўмитасининг хабар беришича, ҳолат 7 февраль куни Учқудуқ туманида экология бўлими томонидан ўтказилган навбатдаги тезкор рейд тадбирида аниқланган. Туманнинг Шалхар овулида яшовчи фуқаро Ш.Т. Учқудуқ-Узунқудуқ йўлидан мотоциклда ҳаракатланиб келаётганда туман экология бўлими ходимлари томонидан тўхтатилган. Аммо у тўхтамасдан, қочишга уриниб, мотоциклга юкланган жайронни ташлаб кетган.
Туман экология бўлими ҳамда ИИБ ходимлари ҳамкорлигида ҳуқуқбузар ушланиб, ҳолат бўйича ҳужжатлар расмийлаштирилган. Табиатга етказилган 13 млн 500 минг сўмлик зарар ҳисобланиб, қонуний чора кўрилиши учун ҳужжатлар судга юборилган.
