Ўзбекистонга импорт картошка асосан Покистондан олиб келиняпти

2022 йилнинг январь-ноябрь ойларида Ўзбекистон 16 та давлатдан қиймати 73,4 млн АҚШ долларига тенг бўлган 478,3 минг тонна картошка импорт қилган. 

Давлат статистика қўмитаси маълумотларига кўра, картошка импорти ўтган йилнинг мос даври билан солиштирилганда 22,5 минг тоннага ошган.

2022 йилнинг 11 ойида Ўзбекистон энг кўп картошка импорт қилган давлатлар орасида Покистон биринчи ўринни эгаллади – 259,1 минг тонна.

Ушбу кўрсаткич қолган давлатлар кесимида қуйидагича кўриниш олди:

• Қозоғистон – 155,1 минг тонна;
• Қирғизистон – 30 минг тонна;
• Россия – 15 минг тонна; 
• Нидерландия – 6,4 минг тонна;
• Эрон – 5,6 минг тонна.

2022 йил январь-сентябрь ойларида республикада 2,6 млн тонна картошка етиштирилган.