Ўзбекистонга 180 млн долларлик мобил телефонлар олиб келинди

Ўзбекистонга 2022 йилнинг январь-ноябрь ойларида хориждан қиймати 181,6 млн AҚШ долларига тенг бўлган 2,7 млн дона мобил телефон импорт қилинган.

Давлат статистика қўмитаси маълумотларига кўра, Ўзбекистонга мобил телефонлар импорти ўтган йилнинг мос даврига нисбатан 185 мингтага ошган.

Ўзбекистон 11 ой мобайнида мобил телефонларни энг кўп импорт қилган давлатлар орасида Хитой биринчи ўринни эгаллаб турибди – 2,1 млн дона телефон.

Ушбу кўрсаткич қолган давлатлар кесимида қуйидагича кўриниш олди:

• БАА – 247,5 минг дона;
• Вьетнам – 199 минг дона;
• Ҳиндистон – 175 минг дона.