Ўзбекистон хориждан авокадо сотиб олиш ҳажмини кўпайтирди

2022 йилнинг январь-ноябрь ойларида Ўзбекистонга 239,4 тонна авокадо импорт қилинган. 

Давлат статистика қўмитаси маълумотларига кўра, авокадо импорти ҳажми ўтган йилнинг мос даври билан солиштирилганда 139,5 тоннага ошган.

2022 йилнинг 11 ойида Ўзбекистон энг кўп авокадо импорт қилган давлатлар орасида Исроил биринчи ўринни эгаллади – 82 тонна.

Ушбу кўрсаткич қолган давлатлар кесимида қуйидагича кўриниш олди:

• Туркия – 66 тонна;
• Қозоғистон – 35 тонна; 
• Хитой – 31 тонна;
• Россия – 13,6 тонна.