Ҳоланд Чемпионлар лигасидаги ғалабани қизғин нишнлаган жамоадошларидан фарқли ўлароқ — қатъий режимга амал қилади ва соғлом турмуш тарзи тарафдори. Шундай экан, у бошланғич таркибда майдонга чиқди. АПЛнинг энг яхши тўпурари биринчи бўлимда майдон марказида рақиб ҳимоячиларидан қочиб кетиб, дарвозабон билан яккама-якка вазиятга чиқиб бориши мумкин эди, аммо Ҳендри уни сариқ карточка эвазига тўхтатиб қолди.
Скандинавларда 45 дақиқаликдаги ягона имконият Серлотнинг бош билан дарвозабон турган жойга зарба йўллаши бўлди. Норвегиянинг бир соатлик ҳаракатлари самара келтирди — Ҳоландни жарима майдони ичида ушлаб қолишди ва унинг ўзи белгиланган пеналтини аниқ ижро этди. Лекин бу гол мезбонларни руҳлантирди дейиш қийин. Улар йўқ жойдан гол уришди ва йўқ жойдан гол ўтказишди. Бу вақтда захирага олиб бўлинган Ҳоланд захира ўриндиғида шок ҳолатида Эстигор Дайксга гол совға қилишини томоша қилишга мажбур бўлди.
Норвеглар ўзига келиб улгурмасидан Дайкс жарима майдони ичидаги саросималикдан фойдаланиб, Маклинни зарба бериш нуқтасига чиқарди.
Испанлар Миллатлар лигаси финалига тайёргарлик кўраётганида Шотландия уч турда уч ғалаба эвазига гуруҳда яккапешқадам бўлиб олишди. Норвеглар эса уч ўйинда атиги бир очко олишди ва бу ҳақиқий фалокат. Скандинавлар Ҳоланд ва Эдегор, шунингдек «Наполи», «Рома», «Бенфика», Дортмунднинг «Боруссия» ва «Реал Соседад» клубларида ўйновчи номдор футболчилари билан ҳам ўз салоҳиятини юзага чиқара олмаяпти.
Бу гуруҳда куннинг иккинчи ўйини алоҳида қарама-қаршилик тақдим этди — Гуржистон миллий жамоасининг собиқ футболчиси ва собиқ мураббийи Темури Кецбая ўз ватани жамоасига қарши. Бундай ҳолатларда ҳиссиётлар ўйинга маълум даражада таъсир қилиб, бундан қўпол хатолар келиб чиқиши ҳақида гапириш одат тусига кирган. Амалда ҳам меҳмонларнинг биринчи голи урилишида Гогич майдон маркази орқали пас беришга уриниб, Микаутадзега гол совға қилди. Шу билан бирга, меҳмонлар жарима майдонида вазият кескин бўлмаган ҳолатда қўполлик ишлатилиб, ҳисоб тенглашди.
Иккинчи бўлим бошида Кварацхелиянинг зарбаси дарвоза устуни ёнгинасидан ўтиб кетганида, Гуржистон бу ўйинда алоҳида қийинчиликсиз мақсадига эришадигандек кўринганди. Аммо бунинг ўрнига меҳмонлар дарвозаси томонда хавфли вазиятлар юзага кела бошлади. Уларни икки бор дарвоза тўсини голдан сақлаб қолди. Яна бир сафар — дарвозабон. Ва бу Вилли Санйол жамоасини уйғотди. Улар ташаббусни ўз қўлига олди ва мезбонларни таслим этишди, Давиташвили узоқ бурчакни аниқ нишонга олди.
Эътиборли жиҳати, ғалаба голи муаллифи ҳам, унга ассистентлик қилган Лобжанидзе ҳам ўйинга захирадан қўшилганди. Гуржистон бу турда танаффус қилган Испанияни ортда қолдирган ҳолда иккинчи ўринга кўтарилди, гуржилар сентябрда испанларни қабул қилади. Ундан олдинроқ эса, шу ҳафтада Хвича ва унинг жамоадошлари Шотландия синовидан ўтади.
Доменико Тедеско ва Ралф Рангник ўртасидаги қарама-қаршиликда майдонда вақти-вақти билан тушунарсиз ҳолатлар содир бўлиб турди. Масалан, Белгиянинг янги юлдузига айланган Лукебакио ҳайратланарли даражада осонлик билан ҳимоячилар сафидан ўтди, аммо осон вазиятда туриб асосий ишни қила олмади — тўпни дарвоза соҳасига тўғри тепмади. Ўз навбатида «қизил иблислар» аҳмоқона гол ўтказиб юборишди. Куртуа Грегоричнинг зарбасини машғулотлар вақтидаги каби осонлик билан эгаллаб олишга тайёрланаётганди, аммо унинг ёнида турган Мангаля негадир тўпга оёғини қўйди ва зарба траекториясини кескин ўзгартирди.
Янги мураббийлар штаби келганидан кейин яна олдингидек ўйнай бошлаган Лукаку иккинчи бўлимда жамоани қутқарди. Швецияга қарши ҳет-трик, Германия билан ўртоқлик учрашувидаги гол, энди — яна бир муваффақият. Лукаку қаторасига икки бор узоқ масофадан зарба йўллади ва иккинчиси пастки бурчакка аниқ бориб тушди. Ромелу Азарнинг оқшоми бузилишини истамади, ушбу фахрий футболчи танаффус вақтида мухлислар билан хайрлашиш учун трибуналар олдидан ўтди.
Аммо белгияликлар Тедеско бошқарувида илк бор очко йўқотишди, арбитр томонидан қўшиб берилган дақиқалар давомида меҳмонларни дарвоза тўсини голдан сақлаб қолди. Сафардаги дуранг Австрияни тўла қаноатлантиради, жамоа гуруҳ пешқадамлигини сақлаб қолди. Шундай экан, Алаба миллий жамоа сафидаги 100-ўйинида ажойиб совға олди дейиш мумкин.
Криштиану Роналду Саудия Арабистонида кутилганидек чиқмаган мавсумидан кейин миллий жамоа сафида ўзини кўрсатишни жуда истади, аммо унинг голи офсайд туфайли бекор қилинди. Лекин сардор голли комбинацияда иштирок этди, ҳужум якунида Бруну Фернандеш боснияликлар мудофаасини битта кесиб ўтувчи пас билан доғда қолдирди, Бернарду Силва эса нозик ҳаракат билан тўпни дарвозабон устидан ошириб ташлаб, Евро-2024 саралашида қаторасига учинчи ўйинда гол урди.
Джеко ундан сабоқ олса арзийди, у ҳисоб 0:0 бўлиб турган маҳалда идеал позицияда туриб тўпни юқорига қарата тепганди.
Бутун Португалия ҳужумда жуда самарали ҳаракат қилди. Шунчаликки, Рубен Невешнинг узатмасидан кейин Фернандеш «иккинчи қават»дан ўзига хос бўлмаган гол урди. Фақат Диогу Жота умумий даражадан пастроқ ҳаракат қилди, у Роналдунинг узатмасини йўққа чиқарди ва бир неча метр масофадан туриб тўпни дарвозага кирита олмади. Криштианунинг ўзи эса майдонга чиқиб тушган фанат қучоғига тушди, унинг жуссаси кумириникидан анча кичик бўлса-да, уни қучиб кўтара олди.
Бу вазият трансляцияга тушмади, аммо стадион мухлисни олқишлади, сардор эса унга табассум ҳадя этди. Португалия Роберто Мартинес бошқарувида Евро саралашида уч ўйинда уч ғалабага эришди (тўплар нисбати 13:0) ва бу турда Исландияни мағлуб этиб, иккинчи ўринга кўтарилган Словакияни икки очкога ортда қолдирмоқда.
