Тошкентда маст ҳолда кўчада яланғоч юрган шахсга чора кўрилди

Унга МЖтКнинг 183 ва 194-моддалари билан маъмурий баённома расмийлаштирилган. Ҳужжатлар судга юборилган.

Фото: ИИБ ахборот хизмати

Тошкент шаҳридаги кўчалардан бирида яланғоч ҳолда юрган фуқарога чора кўрилган. Бу ҳақда шаҳар ИИБ ахборот хизмати хабар бермоқда.

Маълум қилинишича, 2024 йил 10 мартга ўтар кечаси тахминан соат 02:00 ларда 1977 йилда туғилган А.А. Чилонзор тумани 16-мавзеда маст ҳолатда, жамиятда юриш-туриш қоидаларини қасддан менсимасдан яланғоч ҳолатда юрган.

Ушбу шахсга нисбатан Чилонзор тумани ИИО ФМБ томонидан МЖтКнинг 183 ва 194-моддалари билан маъмурий баённома расмийлаштирилган.

Ҳужжатлар жиноят ишлари бўйича Чилонзор туман судига тақдим этилиб, қонуний қарор қабул қилиниши таъминланган.