Қўшимча функционаллар
-
Тунги кўриниш
Telegram 2024 йилда 1 миллиард доллар даромад қилди
Мессенжер асосчиси Павел Дуровга кўра, 2024 йилда Telegram илк марта даромадга чиқиб, крипто-активларни ҳисобга олмаганда йилни 500 млн доллардан ортиқ нақд пул захираси билан якунламоқда. Компания охирги 4 йилда 2 миллиард долларга яқин қарзларини ёпган.
Фото: BeinCrypto
2024 йилда Telegram мессенжери ўзининг 3 йиллик монетизацияси давомида илк марта даромадга чиқди, дея маълум қилди мессенжер асосчиси Павел Дуров.
«Telegram Premium обуначилари сони уч баробар кўпайиб, 12 миллиондан ошган. Рекламадан фойдаларимиз ҳам бир неча марта ошди. Натижада 2024 йилда Telegramʼнинг умумий даромади 1 миллиард доллардан ошди ва крипто-активларни ҳисобга олмаганда, йилни 500 миллион доллардан ортиқ нақд пул захираси билан якунлаймиз», — деган Дуров.
Сўнгги тўрт йилда Telegram 2 миллиард долларлик қарзларини ёпган. Уларнинг катта қисми жорий йил кузда чиқарилган Telegram облигациялари ҳисобига қопланган.
Монетизациядан мақсад — биз учун фойдаланувчилар асосий приоритет бўлишини кафолатлашдир, дейди Павел Дуров.
Павел Дуров август ойининг охирида Париж аэропортида қўлга олинганди. У уюшган жиноятчилик билан боғлиқ жиноятларда, жумладан, гиёҳванд моддалар ва болалар порнографиясини тарқатишда иштирок этганлик ҳамда ваколатли органларга маълумот беришдан бош тортганликда айбланган эди. Ҳибсга олинганидан кейин бир неча кун ўтгач, Дуров гаров эвазига қўйиб юборилди.
Айни вақтда Дуровга Францияни тарк этиш тақиқланган. Кейинроқ Павел Дуров мессенжер фойдаланиш шартлари ва махфийлик сиёсати ўзгарганини, ушбу сиёсатни бузганларнинг телефон рақамлари ва IP-манзиллари қонуний талабларга жавобан тегишли органларга ошкор этилишини маълум қилган.
Шунингдек, халқаро нашрлар мессенжер нафақат Франция, балки бошқа давлатлар билан ҳамкорлик қилиб, уларнинг ҳуқуқ-тартибот идоралари сўровига кўра маълумотларни тақдим қила бошлаганини ёзди.
Тавсия этамиз
«Credit House» иши: Минглаб одамлар уйсиз ва пулсиз қоляпти
Ўзбекистон | 12:30 / 13.03.2025
«Қувур операцияси»: руслар уни «урушдаги бурилиш нуқтаси» дейишмоқда
Жаҳон | 23:40 / 11.03.2025
Амалдорлар “маҳаллий” хизмат автомобилларига ўтказилмоқда
Ўзбекистон | 16:34 / 11.03.2025
Фирибгарлар ўғирлаган пулларни қайтариб бўлмайдими?
Ўзбекистон | 15:27 / 11.03.2025
Сўнгги янгиликлар
-
Ҳафта охирида ҳаво илиқ бўлиши кутилмоқда
Ўзбекистон | 12:37
-
Сурхондарёда 3 кишининг ўлимига сабабчи бўлган ҳайдовчи 9,5 йилга қамалди
Ўзбекистон | 12:23
-
Тошкентда бир кунда белгиланмаган жойга чиқинди ташлаганларга 11 млн сўм жарима қўлланди
Ўзбекистон | 12:06
-
ИҲЕС Украинани 2014 йил майида Одессадаги одамлар ўлимида қоралади
Жаҳон | 12:03
Мавзуга оид
20:30 / 10.03.2025
Чеченистон расмийлари Telegramʼни блокдан чиқаришга чақирди
17:22 / 09.03.2025
Чеченистон ва Доғистонда Telegram блокланди
20:32 / 07.03.2025
Telegram иловасида хавфли заифлик аниқланди
01:05 / 06.02.2025
Павел Дуровнинг Франциядаги иши камида 1 йилдан кейин судга оширилади
