Жаҳон | 09:34 / 12.01.2025

28584

3 дақиқада ўқилади

Лос-Анжелесда ёниб кетган кварталлар, машҳурлар ва миллионерларнинг уйлари — вертолётдан олинган фотолар

Лос-Анжелесда бир ҳафтадан буён ёнғинлар давом этмоқда ва минглаб биноларни йўқ қилмоқда. Ўт ўчирувчилар бир вақтнинг ўзида бир неча ёнғин ўчоқларида тарқалган оловни тўхтата олмаяпти, кучли шамол ёнғин тарқалишини осонлаштирмоқда. Малибу ва Санта-Моника ўртасидаги шимолроқда жойлашган Пасифик-Палисейдс офатдан энг кўп жабр кўрган. Бу тинч ҳудуд — кўплаб таниқли шахслар яшайдиган жой ҳисобланади. Юлдузлар эвакуация қилишга мажбур бўлган, кўпчилик миллионлаб долларга баҳоланган уйларидан айрилган.

Лос-Анжелесда аллақачон беш мингдан ортиқ уй ёниб кетди. Энг кўпи — Пасифик-Палисейдс ҳудудида
Mario Tama / Getty Images / AFP / Scanpix / LETA

«Палисейдс» номини олган энг катта ёнғин ўчоғи келтирган вайронгарчилик, 2025 йил 9 январ
Mark J. Terrill / AP / Scanpix / LETA

Кўплаб уйлардан фақат каминларнинг қувурлари қолган
David Ryder / Reuters / Scanpix / LETA

Маҳаллий аҳоли вакилларидан бири ёнган уйлар орасида, 2025 йил 9 январ
Jae C. Hong / AP / Scanpix / LETA

Пасифик-Палисейдс асосан энг бадавлат кишилар учун қурилган уйлардан иборат тинч жой эди. Сэр Энтони Ҳопкинс, Мел Гибсон, Билли Кристал, Пэрис Ҳилтон ва бошқа кўплаб машҳур актёрлар уйларини йўқотган
Daniel Cole / Reuters / Scanpix / LETA

Пасифик-Палисейдсда мўъжиза туфайли омон қолган уй
Daniel Cole / Reuters / Scanpix / LETA

Ўт ўчирувчилар уйлар харобаларини текшириб чиқмоқда, 2025 йил 10 январ. Расман 10 киши жасади топилган, аммо, расмийлар қурбонлар сони кўпроқ бўлиши мумкинлигини тан олишган
David Ryder / Reuters / Scanpix / LETA

Ўт ўчириш вертолётидан туриб олинган манзара
Josh Edelson / AFP / Scanpix / LETA

Харобалар орасида мўъжиза туфайли омон қолган бошқа уйлар. Ёнғинлар туфайли ўн минглаб кишилар хавфсиз жойларга кўчирилган
David Swanson / AFP / Scanpix / LETA

НБАдаги «Голден Стейт Уориорз» клуби мураббийи, болалиги Пасифик-Палисейдсда, онасининг уйида ўтган (бу уй ҳозирда ёниб кетган) Стив Керр қачонлардир «эртакнамо шаҳар» бўлган бу масканни энди тиклаш жуда ҳам қийин бўлишини айтади. Маҳаллий аҳолининг фарзандлари ўқиган Palisades Charter High School мактаби ҳамда бошқа инфратузилмалар ҳам вайрон бўлган
Josh Edelson / AFP / Scanpix / LETA

Пасифик-Палисейдс кўчалари ёнғиндан кейин
Allison Dinner / EPA / Scanpix / LETA

Лос-Анжелес узра кўтарилган тутун
John Locher / AP / Scanpix / LETA

Хабар қилишларича, Пасифик-Палисейдс тепалигидаги кўплаб ўт ўчириш гидрантларида сув бўлмаган: уларга сув етказиб бериши лозим бўлган сув омбори таъмирланаётганди
Mike Blake / Reuters / Scanpix / LETA

Will Rogers State Beach пляжи ва ёниб кетган уйларнинг вертолётдан кўриниши
Allison Dinner / EPA / Scanpix / LETA

Миллионерларнинг уйларидан ташқари Пасифик-Палисейдс чеккасидаги кўп қаватли бинолар жойлашган парк ҳам жабрланган, 2025 йил 9 январ
Jae C. Hong / AP / Scanpix / LETA

Тайёрлаган: Азиз Қаршиев

#ёнғин #Лос-Анжелес

Мавзуга оид

21:40 / 03.12.2025

“Ёнғин пайти ошхонада одам кўп эди” – Гулистондаги портлаш жойидан репортаж

19:45 / 03.12.2025

50 минг долларлик даъво: Тошкентда зарядга қўйилган электромобил нега ёниб кетганди?

12:53 / 01.12.2025

Ҳонгконгдаги ёнғин қурбонлари 140 нафардан ошди. Хитой намойишлар бошланишидан хавотирда

09:00 / 01.12.2025

Яшнобод туманидаги озиқ-овқат дўконида ёнғин содир бўлди