Қўшимча функционаллар
-
Тунги кўриниш
Uzbekistan Airways самолёти двигатели ишламай қолгани сабабли Красноярскка фавқулодда қўнди
Бортида 122 одам бўлган самолёт қўнишни муваффақиятли амалга оширди, ҳеч ким жабрланмади. Самолёт парвозлардан четлатилди.
Фото: Красноярск аэропорти
Uzbekistan Airways авиакомпаниясининг Boeing 767 самолёти 21 январ куни Тошкент - Владивосток йўналиши бўйича учиб бораётганида фавқулодда ҳодиса юз берди.
Экипаж биринчи двигателнинг ишламай қолиши сабабли Россиянинг Красноярск шаҳри аэропортига фавқулодда қўнди. Қўниш маҳаллий вақт билан соат 14:46 да муваффақиятли амалга оширилди. Самолёт бортида 101 нафар йўловчи, 5 нафар экипаж аъзоси ва 16 нафар борт кузатувчиси бўлган. Қўниш чоғида аэропортнинг барча хизматлари тўлиқ шай ҳолатга келтирилди ва хавфсизлик қоидаларига мувофиқ чоралар кўрилди.
Қўнишдан сўнг йўловчилар чегара ва божхона назоратидан ўтказилди ва Россия Федерал авиация қоидаларига мувофиқ хизмат кўрсатиладиган терминалнинг умумий ҳудудига жойлаштирилди. Самолёт техник кўрикдан ўтказилгунга қадар парвозлардан четлатилди.
Uzbekistan Airways Владивостокка парвозни давом эттириш учун захира самолётини юборадиган бўлди. Йўловчилар 22 январ куни манзилга етказилиши кутилмоқда.
Мавзуга оид
15:10 / 03.02.2026
UzAirways йўловчилари рейсга кечикканда, қайтиш чиптаси бекор қилинмайдиган бўлди
08:40 / 03.02.2026
2026 йилдан Uzbekistan Airways ва Uzbekistan Airports носоҳавий харажатларни молиялаштирмайди
18:12 / 28.01.2026
Uzbekistan Airways борткузатувчилар учун янги либос намуналарини тақдим этди
09:42 / 15.01.2026