Ўзбекистонда ижара муносабатларини такомиллаштириш юзасидан қонун лойиҳаси ишлаб чиқилади.

Президент фармонига асосан, лойиҳада қуйидагилар назарда тутилади:

  • ижарага олинган ер майдонларини иккиламчи ижарага бериш ҳуқуқини жорий этиш;
  • аукцион орқали ижарага олинган ер майдонларини бошқа тадбиркорларга иккиламчи ижарага бериш имкониятини тақдим этиш;
  • кўчма савдо объектларини жойлаштиришга рухсат бериш;
  • тадбиркорлик фаолияти учун кўчмас мулк ижараси бўйича “тижорат ижараси” тоифасини жорий этиш ва унинг тавсия этиладиган намунавий шартномасини ишлаб чиқиш;
  • бир йилдан кам бўлмаган муддатга тузилган ижара шартномаларини давлат рўйхатидан ўтказиш талабини бекор қилиш, бунда уларни солиқ органларида ҳисобга қўйиш тартибини сақлаб қолиш ҳамда ijara.soliq.uz ва кадастр ахборот тизимларини интеграция қилиш орқали автоматик ҳисобга олишни жорий этиш;
  • шартнома амал қилаётган даврда ижара ҳақини ўзгартиришни томонларнинг келишуви ёки шартномада белгиланган индексация механизми асосида амалга ошириш;
  • объект сотилганда янги мулкдорнинг амалдаги тижорат ижараси шартномаси бўйича ижарага берувчининг ҳуқуқ ва мажбуриятларини автоматик қабул қилишини белгилаш;
  • ижарачи томонидан объектга киритилган инвестицияларни қоплашнинг ҳуқуқий кафолатларини кучайтириш.

Эслатиб ўтамиз, тижорат ижарасига оид ҳуқуқий механизмларни такомиллаштириш таклифини давлат раҳбари билан учрашувда Korzinka супермаркетлар тармоғи асосчиси Зафар Ҳошимов илгари сурган эди.

Президентнинг юқоридаги фармони ана ўша учрашув якунларига кўра қабул қилинган. Унда кўрсатиб ўтилган ижара муносабатларига оид қонун лойиҳаси 2026 йил октябр ойи охирига қадар ишлаб чиқилиши керак.

Фармонда назарда тутилган бошқа бир қонун лойиҳасига биноан, юридик шахснинг жисмоний шахс бўлган таъсисчиси томонидан ушбу юридик шахсга ижарага ёки текин фойдаланишга берилган кўчмас мулк объектларига нисбатан ижара тўловининг энг кам миқдори қўлланмайди.

Эслатиб ўтамиз, май ойида қабул қилинган бошқа бир фармонга биноан, 2027 йил 1 январдан бошлаб Тошкент шаҳридан бошқа ҳудудларда жисмоний ва юридик шахслар томонидан тадбиркорлик субъектларига умумий майдони 1000 метр квадратдан кўп бўлган мол-мулк ижарага берилганда, солиқ солиш мақсадида ижара тўловининг энг кам ставкалари қўлланмаслиги