Ukrainada uruşning 359-kuni ötdi. Asosiy ma’lumotlar:

  • Ukraina vitse-premeri Irina Vereşçuk Baxmut aholisini zudlik bilan şaharni tark etişga çaqirdi.
  • Volodimir Zelenskiy videoaloqa orqali xavfsizlik masalalari böyiça Myunxen konferensiyasida çiqiş qildi. U Ukrainani Dovudga, Rossiyani — Goliafga tenglaştirgan.
  • Ukrainada sud Anton Krasovskiyni genotsid va hokimiyatni zörlik bilan ağdarişga çaqiriqlar uçun sirtdan beş yil qamoq jazosiga hukm qildi.
  • Yevgeniy Prigojin «Vagner» xususiy harbiy kompaniyasi jangçilari Donetsk oblastidagi Paraskoviyevka qişloğini egallaganini ma’lum qildi. Ukraina hukumati bu ma’lumot böyiça izoh bermadi.
  • The Insider, Le Monde va Bellingcat suriştiruviga köra, Rossiyadagi «Aşan» insonparvarlik yordami niqobi ostida Ukrainadagi Rossiya armiyasi uçun mahsulotlar yuborgan. Suriştiruvda aytilişiça, «Aşan» harbiy komissariatlarga öz xodimlari töğrisida ham ma’lumotlar yiğib bergan. Safarbarlik e’lon qilinganidan keyin xodimlarga iş joyida çaqiruv qoğozlari topşirilgan. «Aşan» vakillari Rossiya armiyasi ta’minoti bilan şuğullanganini rad etdi.

 Kun kadri. Buçada dafn etilgan ukrain harbiysi qabri

Qabristonning oskolkalardan ilma-teşik bölgan devoridagi dafn guldastasi. Kiyev oblastining Buça şahri 2022 yil mart oyi oxirida, Rossiya qöşini bu yerdan çekinganida butun dunyoga maşhur bölib ketgandi. Rossiyaliklar özidan kunpayakun qilingan şahar va uning köçalarida öldirilgan tinç aholi vakillarining önlab jasadlarini qoldirgandi. Ukraina hukumati ma’lumotlariga köra, bir oy davom etgan Rossiya istilosi vaqtida Buçada tinç aholi vakillaridan 458 kişi halok bölgan (şundan töqqiz nafari bolalar), ularning aksari öqotar quroldan yetkazilgan jarohat va qiynoqlar oqibatida jon bergan.
Emilio Morenatti / AP / Scanpix / LETA

Xarkiv oblastidagi hayot tarzi

Xarkiv oblastining bir qismi keng kölamli bosqinning ilk kunlarida bosib olingandi. 2022 yil kuzida Ukraina qarşi hujumga ötdi va regiondagi şahar va qişloqlarning aksarini qaytarib oldi.