Ukrainadagi uruşning 434-kuni ötdi. Asosiy ma’lumotlar:

  • 3 mayga ötar keçasi ikkita dron Vladimir Putinning Kremldagi qarorgohiga hujum qilişga uringan. Rossiya hukumati bunda Ukrainani aybladi; Kiyevdagilar hodisaga aloqadorligini rad etdi va bu RF tomonidan provokatsiya bölişi mumkinligini taxmin qildi. Tergov qömitasi terrorizm töğrisida jinoiy iş oçgan.
  • Rossiya qöşini Xerson oblastini öqqa tutdi. Sönggi ma’lumotlarga köra, tinç aholi vakillaridan 23 kişi halok bölib, 46 kişi yaralangan.
  • Ukrain dronlari Bryansk oblastidagi harbiy aerodromga hujum uyuştirdi. An-124 samolyoti şikastlangan. Jabrlanganlar yöq, region rasmiylari hodisa haqida xabar berişmagan.
  • 3 mayga ötar keçasi Krasnodar ölkasining Taman porti yaqinidagi Volna posyolkasida neft mahsulotlari saqlanadigan rezervuar yonib ketgan. Bu yonğinga ham dronlar hujumi sabab bölgani aytilgan.
  • 4 mayga ötar keçasi Krasnodar ölkasi va Rostov oblastidagi neftni qayta işlovçi zavodlarga dronlar hujumi takrorlandi.

Kremldagi Senat saroyi gumbazida dronlar hujumi asoratlari

3 mayga ötar keçasi ikkita dron Kremlga hujum qildi. Birinçisi Senat saroyi gumbazi ustida portladi, ikkinçisi ham qariyb şu nuqtada, 16 daqiqa ötganidan keyin. Rossiya hukumati dronlar havo hujumidan mudofaa tizimlari orqali urib tuşirilganini ma’lum qilgan va hujumda Kiyevni ayblagan — lekin bu haqda faqat kun örtalariga kelib xabar berildi. Ukraina hukumati hujumga aloqadorligini rad etgan.
Sefa Karacan / Anadolu Agency / ABACAPRESS / ddp images / Vida Press

Krasnodar ölkasida neft omboriga berilgan zarba oqibatlari