Қўшимча функционаллар
-
Тунги кўриниш
Тошкент шаҳар ХТБга янги раҳбар тайинланди
Тошкент шаҳар халқ таълими бош бошқармаси бошлиғи вазифасини вақтинча бажариш учун янги раҳбар тайинланди. Бу ҳақда Халқ таълими вазирлиги хабар бермоқда.
Фото: edu.uz
Қайд этилишича, халқ таълими вазири Бахтиёр Саидов бошчилигида Тошкент шаҳар халқ таълими бош бошқармаси раҳбарияти ва барча туман халқ таълими бўлими мудирлари иштирокида йиғилиш бўлиб ўтди.
Йиғилишда Тошкент шаҳар халқ таълими тизими масъул ходимлари, мактаб директорлари ва педагоглар олдида турган долзарб вазифаларга тўхталиб ўтилди.
Ҳозирги кунда вакант бўлган Тошкент шаҳар халқ таълими бош бошқармаси бошлиғи вазифасини вақтинча бажариш Яшин Султоновга юклатилди.
Яшин Султонов мазкур тайинловга қадар Халқ таълими вазирлиги тасарруфидаги “Ўқув-таълим-таъминот” ДУК директори вазифасида фаолият юритган.
“Йиғилиш сўнгида янги раҳбарга пойтахт мактабларида таълим сифатини яхшилаш, мактаб таълимини ривожлантириш ҳамда намунавий даражага олиб чиқиш борасида тегишли вазифалар юклатилди”, дейилади вазирлик хабарида.
Тошкент шаҳар ХТБга 2020 йил кузидан буён Козимжон Ҳасанов раҳбарлик қилаётганди.
Мавзуга оид
17:02
Тошкентда 4 млн дона пиротехника буюмлари йўқ қилинди
15:28
Светофорнинг қизил чироғида ҳаракатланган Malibu пиёдани уриб юборишига оз қолди
21:43 / 21.11.2024
Тошкентда подъездда қолдирилган велосипед ва коляскалар ППХ томонидан олиб кетилмоқда
19:18 / 21.11.2024