Қўшимча функционаллар
-
Тунги кўриниш
Россиядаги ЙТҲда Ўзбекистоннинг 8 фуқароси ҳалок бўлди
Ҳодиса Самара-Москва трассасининг Нижегородск области ҳудудидан ўтган қисмида содир бўлган. Ичида Ўзбекистоннинг 11 нафар фуқароси бўлган микроавтобус ҳайдовчиси бошқарувни йўқотиб ЙТҲ содир этгани айтилмоқда.
Фото: Нижегородск вилояти полицияси
Россиянинг Нижегородск вилоятида ўзбекистонликлар кетаётган микроавтобус ҳалокатга учраган. Нижегородск вилояти полициясининг хабар беришича, ҳодиса 2024 йил 1 сентябр куни содир бўлган.
Маълум бўлишича, 32 ёшли тожикистонлик ҳайдовчи Hyundai микроавтобусининг бошқарувини йўқотган. Шундан сўнг микроавтобус тўсиққа урилиб, ағдарилиб кетган.
Оқибатда унинг ичида бўлган 11 нафар ўзбекистонликларнинг 8 нафари ҳалок бўлган. Ҳайдовчи ва яна 3 нафар ўзбекистонлик тан жароҳатлари олган. Хабарда ҳайдовчи ва йўловчиларнинг исм-шарифлари ошкор қилинмаган.
Қайд этилишича, ҳодиса юзасидан Россия Жиноят кодексининг 264-моддаси 5-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Эслатиб ўтамиз, 2024 йил 11 январ куни ҳам Россиянинг Пенза областида ичида Ўзбекистон фуқаролари бўлган JAC минивэни қарама-қарши йўналишга чиқиб кетиб, Volvo русумли юк машинасига урилганди. ЙТҲ оқибатида минивэндаги етти киши, жумладан ҳайдовчи воқеа жойида ҳалок бўлган, шифохонада яна бир кишининг жони узилганди. Жароҳатланган яна бир киши шифохонада қолмоқда. Қурбонларнинг жасадлари ўтган ҳафтанинг шанба куни Ўзбекистон мудофаа вазирлиги ҳарбий-транспорт самолёти орқали ватанга қайтарилганди.
Шунингдек, 2024 йил 16 январ куни Самара вилоятида ичида 7 нафар ўзбекистонликлар бўлган Lada Largus ва «Газел» юк машинаси ўртасида йўл-транспорт ҳодисаси рўй берганди. ЙТҲ оқибатида Largus йўловчилари бўлган уч киши ҳалок бўлиб, яна тўрт нафари шифохонага ётқизилганди.
Тавсия этамиз
«Арсенал» «Реал»ни ЕЧЛдан чиқариб юборди. Артета буни қандай уддалади ва «Мадрид»нинг муаммоси нимада?
Спорт | 12:20 / 17.04.2025
Гўшт нархи ошиши: қўшни мамлакатларда вазият қандай?
Иқтисодиёт | 20:36 / 15.04.2025
ЕОИИ Марказий Осиё интеграциясига монелик қилувчи омил бўлиши мумкин — Фарҳод Толипов
Ўзбекистон | 19:45 / 15.04.2025
Инфляцияни ўлчаш: нархлар қандай кузатилади?
Ўзбекистон | 19:31 / 15.04.2025
Сўнгги янгиликлар
-
Трамп Путинга Украинада ўт очишни тўхтатишга 3 кун муҳлат берди
Жаҳон | 00:47
-
Ўзбекистон ўсмирлар жамоаси КХДРни йирик ҳисобда енгиб, Осиё Кубоги финалига чиқди
Спорт | 00:31
-
Колумбияда сариқ безгак туфайли фавқулодда ҳолат режими эълон қилинди
Жаҳон | 00:05
-
Номаълум эркак Флоридадаги университетда отишма уюштирди. Қурбонлар бор
Жаҳон | 23:41 / 17.04.2025
Мавзуга оид
21:44 / 17.04.2025
Наманганда “бизнес”га айланаётган “езда” ва ҳалок бўлаётган болалар: масъуллар назоратни йўқотдими?
08:20 / 17.04.2025
Россиядаги ЙТҲда Ўзбекистон фуқароси ҳалок бўлди
18:20 / 11.04.2025
Наманганда ЙПХ машинаси билан тўқнашган Cobalt ҳайдовчиси қарийб 2 ойдан бери комада ётгани маълум бўлди
18:30 / 10.04.2025
Тошкентда «Газел» дарахтга бориб урилди
