Ğofur Rahimovning matbuot kotibi Umar Kremlevning ayblovlariga javob qaytardi
|04:16 / 04.07.201945 2309 min
AIBA prezidenti lavozimidan muvaqqat iste'foga çiqqan Ğofur Rahimovning bu mansabga qaytiş huquqi bekor qilingani haqidagi xabarlar asossiz, deb bayonot berdi özbekistonlik funksionerning matbuot kotibi Ziyovuddin Hojiniyozov.
Hojiniyozovga köra, AIBA Ijroqömining ötgan hafta qabul qilgan qarorini Rossiya boks federatsiyasi boş kotibi Umar Kremlev xato talqin qilgan.
«Umuman notöğri. Bu – böhton. Umar Kremlev öqimagani sababli nima gapirayotganini özi bilmaydi. AIBA prezidenti lavozimidan vaqtinçalik çetlaşib, qaytib keliş huquqi AIBA Ustavida belgilab qöyilgan. Ustavni esa faqat Kongress özgartira oladi», – dedi Rahimovning rasmiy vakili Toşkentda jurnalist Ismat Xuşevga bergan intervyusida.
Umar Kremlevning keskin bayonoti
Umar Kremlev / Foto: RIA Novosti
Ötgan hafta jahon havaskor boksining boş taşkiloti Ijroiya Qömitasi Jyenevada navbatdan taşqari yiğiliş ötkazib, AIBA Reglamentidan (AIBA Bylaw) 16-moddani çiqarib taşlaşga qaror qilgan edi. Şundan söng Ijroqöm a'zosi Umar Kremlev bayonot bilan çiqib, AIBA «butun boks olamini aldagan insondan qutulgani»ni iddao qilgandi.
«Bugun biz birlaşib, jiddiy qarorni qabul qildik – qarzlarni yopişi va XOQ bilan til topişa olişini aytib, butun boks olamini aldagan insondan qutuldik.
Ğofur Rahimov AIBA`ni bankrotlik yoqasiga keltirib qöydi. U butun boks jamoatçiligidan uzr söraşi kerak.
Bugun u qayta olmasligi uçun Ustavdan tegişli bandni çiqarib taşladik va 15 noyabr kuni Kongress çaqirişga qaror qildik. Unda AIBA`ga yangi rahbariyatni saylaymiz», – degan Kremlevning sözlarini keltirgan edi Rossiya boks federatsiyasi rasmiy sayti.
Kremlevning bayonoti 27 iyunda – AIBA Ijroiya Qömitasining majlisi bölib ötgan kuniyoq e'lon qilingan edi. Keça, 2 iyul kuni AIBA rasmiy saytida taşkilotning muvaqqat prezidenti Muhammad Mustasanning bayonoti çiqdi. Unda Ğofur Rahimovga AIBA Ijroqömi nomidan taşkilot oldidagi xizmatlari uçun rahmat aytilgan va:
«U öz şaxsiy muammolarini hal qiliş uçun özi istamagan holda lavozimidan çetlaşişga qaror qilgan ekan, Ijroqöm endilikda Reglamentdan 16-moddani çiqarib taşlaşga qaror qildi», – deyilgan.
AIBA`ning ijro organi tomonidan tasdiqlanadigan Reglamentning 16-moddasi 3-qismida: «Agar vaqtinça iste'foga çiqqan prezident yangi prezident saylovi ötkaziladigan navbatdan taşqari Kongressga 90 kundan köproq vaqt qolgan paytda öz lavozimiga qaytişni istasa, özi saylangan vakolat muddatining qolgan qismida ham prezident sifatida işlaşda davom etiş huquqiga ega böladi», deb qayd etilgan.
Boşqaça aytganda, mazkur normaga binoan, vaqtinça lavozimidan ketgan prezident yangi prezident saylanadigan navbatdan taşqari Kongressga 90 kundan kamroq vaqt qolgan bölsa, mansabiga qayta olmaydi.
Biroq, Ğofur Rahimovning matbuot kotibiga köra, uşbu bandning çiqarib taşlanişi amalda heç narsani özgartirmaydi. boisi Reglament – qonunosti hujjati sanaladi va u Kongress emas, Ijroqöm tomonidan qabul qilinadi.
«AIBA`ning qonunosti hujjatlari bor. Bu hujjatlar Ustavda yozilgan moddalar tuşunarliroq bölişi uçun qöllaniladi. Ijroqöm körib çiqib, kerakli joylarini töğrilaydi – bu doimiy ravişda böladigan narsa.
Bu joyi olib taşlandimi, demak, Kongress 15 noyabrga belgilangan bölsa, Rahimov 15 noyabr kuni ham qaytib kelişi mumkin. Endi çeklov yöq. Qonunosti hujjatida demokratik asosda bölsin, deya çeklov qöyilgan edi», – deydi Ziyovuddin Hojiniyozov.
«Gapirilgan hamma gaplar – özgartiriş kiritildi, endi qaytib kela olmaydi, degan gaplarning hammasi asossiz. Prezidentni faqat Kongress olib taşlay oladi. AIBA Kongressi yiğilib, Ğofur akaga keting, deb aytiş huquqiga ega. AIBA`ning boşqa heç qaysi organi bunday qila olmaydi», – deya qöşimça qildi u.
Umar Kremlev kim, u Ğofur Rahimovni nega ayblamoqda?
Foto: AIBA
Tojik millatiga mansubligi va avvalgi familiyasi Lutfulloyev bölgani aytiladigan Umar Kremlev 2017 yilda Rossiya boks federatsiyasi boş kotibi lavozimiga kelguniga qadar promouterlik kompaniyasini boşqargan. Rossiya boksi kuni, Xalqaro boks kuni kabi sanalarning belgilanişi uning nomi bilan boğlanadi. Rossiya oldidagi xizmatlari uçun bir qator medallar bilan taqdirlangan.
Kremlev 2018 yil noyabrida AIBA`ning Moskvadagi Kongressida taşkilot Ijroqömi a'zoligiga saylangan edi. Bu bilan u AIBA Ijroqömiga kirgan ilk rossiyalikka aylangan. 2019 yil boşida esa Kremlev Yevropa boks konfederatsiyasi birinçi vitse-prezidenti lavozimiga ham saylangan. U AIBA`da Marketing komissiyasi raisi hamdir.
Ğofur Rahimovning matbuot kotibi Ziyovuddin Hojiniyozovga köra, Umar Kremlev aynan Rahimovning qöllovi bilan AIBA rahbariyatidan joy olgan:
«Uning öz niyatlari bölgan, ya'ni AIBA Ijroqömiga kirib oldi. Moskvada kimning obrösi bilan ötganini bilasiz. Heç kim tanimasa uni, qanday qilib ötadi? Ğofur aka senga yordam beraman, qöllab-quvvatlayman, ösgin, deb olib keldilar, u esa sotqinlik qildi».
Kremlev ötgan yilgi Moskva Kongressi oldidan bergan intervyularining birida: «Ğofur Rahimov boks uçun köp iş qildi – bankrotlikni töxtatdi, hakamlikda tartib örnatmoqda», deb aytgan. Uning öşa vaqtdagi fikriga köra, Rahimov – «haqiqiy yetakçi», u bilan «boksda şubhasiz kelajak bor».
Rossiyalik sport menejyerining özbekistonlik hamkasbiga munosabati bir yil ham ötmay tubdan özgarganini Rahimovning matbuot kotibi quyidagiça izohlaydi:
«Bu yil Yekaterinburgda ham erkaklar, ham ayollar örtasida Jahon çempionati böladi. Bu – Rossiya tarixida birinçisi. Avvaliga ikkala musobaqa ham Olimpiadaga saralaş turniri deb belgilangan edi. Lekin XOQ bilan munosabatlar keskinlaşgani ortidan jahon çempionatlari Olimpiadaga yöllanma bermaydigan böldi.
Şu narsa unga alam qildimi... Jahon çempionati böladi deb, özining firibgarlik işlari bilan şuğullangan bölişi, pul olib qöygan bölişi mumkin. Aççiq qilib, Ğofur akaga tuxmat qilişga ötdi», – dedi Ziyovuddin Hojiniyozov.
AIBA muvaqqat prezidenti Muhammad Mustahsan ham Kremlevning yuqoridagi ayblovlari ortida şaxsiy adovat turibdi, degan fikrda.
«Ba'zi şaxslar özi va şaxsiy kun tartibini bizning sport turidan ustun qöyganini aqlga siğmas narsa, deb hisoblayman», – dedi Mustahsan.
AIBA Kremlev ustidan tekşiruv boşlagan
Örtada - Umar Kremlev, öngda - Vladimir Prodivus / Foto: ruspekh.ru
Umar Nazaroviç Ğofur Ahmedoviçga nisbatan ilgari surgan ayblovlaridan söng AIBA`da uning öziga nisbatan intizomiy iş oçildi.
Intizom komissiyasi Kremlev tomonidan prezident Rahimovning obrösi va işbilarmonlik nufuziga putur yetkazadigan, axloqqa zid hamda asossiz bayonotlar böyiça suriştiruv boşlagan.
Kremlev, şuningdek, Ijroqöm a'zoligiga nomzodini ilgari surganida sudlangani töğrisidagi ma'lumotlarni yaşirişda ham gumonlanmoqda. AIBA Nizomiga asosan, ilgari sudlangan şaxslar Ijroqöm a'zoligiga saylanişi mumkin emas.
OAVdagi xabarlarga köra, Umar Kremlev 2004 va 2007 yillarda Rossiyada ikki marta sudlangan. Öşa paytda u tuğilgan paytida olgan Lutfulloyev familiyasida bölgan, sudlardan keyin uni özgartirib, Kremlevga aylangan.
Umar öziga nisbatan oçilgan intizomiy işni Ğofur Rahimov tomonidan javob yurişi sifatida baholamoqda.
Intizom komissiyasi Kremlevdan taşqari Ukraina boks federatsiyasi prezidenti Vladimir Prodivus va Belarus boks federatsiyasi vitse-prezidenti Emiliya Gruyevaga nisbatan ham tekşiruv boşlagan. Ular Kremlev bilan birga vaqtinçalik prezident Muhammad Mustahsanga işonçsizlik bildirişgan edi.
