Radar va kameralar örnatiş joylarini auksion asosida sotiş amaliyotidan tuşgan mablağlar töliq respublika budjetiga yönaltirilmoqda. Bu haqda Oliy Majlis deputati Rasul Kuşerbayevning söroviga javoban Moliya vazirligi ma'lumot bergan.
Ma'lum qilinişiça, radar va kameralar örnatiş joylarini auksionda 11 ta tadbirkorlik sub'yektiga sotişdan jami 86,7 million dollari miqdoridagi mablağlar davlat budjeti daromadlariga kelib tuşgan.
Eslatib ötamiz, joriy yilning 12 avgust kuni bölib ötgan onlayn savdolarda Toşkent şahrining Hamid Olimjon va Abdulla Qodiriy çorrahasida joylaşgan radar va kameralar örnatiş joyi auksion orqali 3,5 milliard sömga sotilgan edi.
Ma'lumot uçun, «Davlat tomonidan tartibga solinadigan sohalarga xususiy sektorni jalb etiş böyiça qöşimça çora-tadbirlar töğrisida»gi prezident qaroriga muvofiq, yöl harakati xavfsizligini ta'minlaş sohasida 2021 yil 1 martdan boşlab tadbirkorlik sub'yektlariga avtomobil yöllarida yöl harakati qoidalari buzilganligini qayd etuvçi maxsus avtomatlaştirilgan foto va video dasturiy-texnik vositalari örnatilişini taşkil etiş huquqi berilgan.
Elektron auksion savdolarida ğolib bölgan tadbirkorlik sub'yektlariga maxsus avtomatlaştirilgan foto va video qayd etiş dasturiy-texnik vositalar örnatiladigan joylar çeklanmagan muddatga va boşqa tadbirkorlik sub'yektiga ötkaziş huquqi bilan biriktiriladi.
Şuningdek, uşbu qaror bilan 2021 yil 1 martdan boşlab tadbirkorlik sub'yektlariga avtomobil yöllarida avtomatlaştirilgan ölçov vositalari bilan jihozlangan oğirlik va gabarit nazorati böyiça statsionar şoxobçalar örnatilişini taşkil etiş huquqi ham taqdim etilgan.
Qaror bilan tasdiqlangan ilovaga muvofiq, 2021-2022 yillarda tadbirkorlar tomonidan 3 356 ta intellektual videokameralar, 763 ta statsionar radarlar va 14 ta oğirlik va gabarit nazorati böyiça statsionar şoxobçalar örnatilişi rejalaştirilgan.
Avvalroq, oçiqlik haqidagi prezident farmoni
