Қашқадарёда Янги Қарши шаҳри қурилади
Қашқадарё вилоятида 500 минг аҳолига мўлжалланган Янги Қарши шаҳри барпо этилади. Бу ҳақда президент Шавкат Мирзиёев вилоятга ташрифи давомидаги йиғилишда маълум қилди.
Давлат раҳбарига кўра, Янги Қарши шаҳри – Қарши шаҳри, Кўкдала ва Қарши тумани чегарасида, 5 минг гектар майдонда, 500 минг аҳолига мўлжаллаб қурилади. Қарши туманидаги канал бўйида эса 235 гектарлик «Янги Насаф» экомажмуасининг қурилиши бошланади.
Нуфузли архитектура компаниялари жалб этилиб, икки ойда илғор шаҳарсозлик ечимларини қамраб олган бош режа ишлаб чиқилади. Уни тайёрлаш учун дастлаб 20 миллиард сўм ажратилади. Янги ҳудудларда кўп қаватли бинолар, савдо ва бизнес марказлари, уй-жойлар «яшил» ва «ақлли» шаҳар тамойиллари асосида қурилади.
Никоҳлар сони тўрт йилдан бери камаймоқда
Ўзбекистонда қайд этилган никоҳлар сони 2021 йилдаги 305,2 мингтадан 2025 йилда 267,1 мингтага тушган. Миллий статистика қўмитаси маълумотларига кўра, кўрсаткич шу даврда ҳар йили пасайиб, жами 38,1 мингтага ёки қарийб 12,5 фоизга камайган.
1991–2025 йиллардаги энг юқори кўрсаткич 2018 йилда кузатилган — 311,4 мингта никоҳ. 2025 йилги натижа ушбу рекорддан 44,3 мингтага ёки қарийб 14,2 фоизга кам.
1991 йилда эса мамлакатда 270,3 мингта никоҳ расмийлаштирилган. Демак, 2025 йилдаги мутлақ кўрсаткич 1991 йилдагидан ҳам 3,2 мингтага паст бўлган. Бироқ бу рақамлар аҳоли сонига нисбатан никоҳланиш даражасини эмас, қайд этилган никоҳларнинг умумий сонини ифодалайди.
Сўнгги йиллик ўзгаришга қаралса, 2025 йилда никоҳлар сони 2024 йилга нисбатан 4,7 мингтага ёки қарийб 1,7 фоизга камайган. Тақдим этилган маълумотларда пасайиш сабаблари келтирилмаган.
Қашқадарё йил охиригача камбағаллик ва ишсизликдан холи ҳудудга айлантирилади
Президент Шавкат Мирзиёев Қашқадарёга ташрифида вилоятни ижтимоий-иқтисодий ривожлантириш бўйича йиғилиш
